تجربة طلب من موقع apple الرسمي [ بالصور ] ( iPod nano + iPad Smart Cover )
13/08/2011 609 Views

تجربة طلب من موقع apple الرسمي [ بالصور ] ( iPod nano + iPad Smart Cover )


هذي اول مرة اجرب اطلب من موقع Apple 

السالفة ان واحد من الشباب يبي ايبود وسمارت كفر احمر

وجدع علي الفلوس:devil: قال دبر نفسك  .. ابي هالشغلتين تطلبها لي وبس 


طبعا للطلب لازم يكون عندك عنوان بامريكا + بطاقة ائتمانيه 

البطاقة الائتمانية مسبقة الدفع تحصلها عند بنوك الاهلي والراجحي والرياض .. تقريبا اغلب البنوك الحين تقدمها 

العنوان من ارامكس عبر خدمة 


Shop&Ship


بسم الله نبدا 

دخلت على موقع ابل ستور هنا

وبعدين دخلت على قسم الايبود نانو


وكان المطلوب الاحمر .. الاحمر للمعلومية حصري بالموقع يعني ماتحصله عند محلاتهم

بعد ماخترت 16 قيقا اختار عنده select 


اضغط على الصورة تشوفها بحجم اكبر

هذي خدمة ببلاش 

ينقش على الايبود من ورا جملة من سطر واحد

اذا مابغيتها حط على skip engraving اللي بالرصاصي 

واذا كتبت الجملة اللي تبيها او الكلمة .. اضغط على الاخضر add engraving 




عندك هنا خيارين .. تكمل  التسوق بموقعهم .. او خلاص تدفع وتخلص 

انا حطيت continue shopping

لاني ابي اطلب شئ ثاني بعد 


طبعا السمارت كفر يجي نوعين 

Leather – جلد بسعر 69 دولار

ويجي Polyurethane بسعر 39 دولار 

طبعا كل نوع له الوانه .. اللون هذا موب موجود الا بالـ جلد

اخترت اللون وضغطت add to cart 


اشوف اللي عندي واتاكد من اللي طلبته 

بعدين اضغط على Check Out Now بالاخضر يمين 

يعني اني خلصت من التسوق بموقعهم وابدفع واخلص :wink:


خطوة العنوان .. تحط عنوان ارامكس زي اللي موجود بموقعهم Shop&Ship 



بعدها حطوة البطاقة الائتمانية

الرقم حطيت رقمي مانفع قال فيه خطا رحت حطيت رقم ارامكس الامريكي :whistle:

بعدها تضغط على Continue 



تأكد انك حطيت بياناتك الصحيحه .. تأكد ان بحسابك فيه المبلغ المطلوب 

اذا كانت بطاقتك مسبقة الدفع 

لاتحط المبلغ بالضبط بالريال 

انتبه من مسألة التاكس – الضريبه – .. لاحظ هنا انهم حسبوها علي ب 22.01 دولار – تأكد ان المبلغ الكامل موجود 

زود 10 ريال عشان لو كان ناقص ريال واحد بيقفلون طلبك ويرفضونه وماعاد تقدر تطلب ببطاقتك من موقعهم .. انتبه لهالنطقه :shocked:

فيه نقطه ثانيه .. لو مستعجل على طلبك .. تقدر تضيف مبلغ عشان يستعجلون بالشحن واخذ اقل من العادي 

تحصل الخيار عند  Shipping method 

لاحظ الحالي مكتوب Free يعني الشحن العادي 

اعتقد ياخذ من يوم الى 5 ايام

اما المستعجل الاكيد انه يوم حتى يومين 



بعدها بيطلع لك رسالة شكر انك طلبت

 


تحتها تحصل طلبك والبيانات اللي حطيتها ورقم الطلب زي كذا 

لاحظ جنب Order Number هو رقم الطلب الخاص فيك 



وبعدين لاحظ هنا طلبك والتاريخ المتوقع للوصول

– طبعا الى العنوان اللي حاطه بامريكا – 


لاحظ اللي محدده بالاحمر 

واخر شئ بتوصلك رسالة على الايميل بالطلب ورقم الطلب 



هذي كانت اول تجربه لي بالموقع 

ابجرب ان شاء الله خلال الايام الجاية شراء ايباد 2  مطلوب مني شرائه 

لاني بحثت عنه عند الوكيل والسعر الرسمي 2650 .. لكن المحلات بـ 2800 يبيعونه ! 

ان شاء الله بكتب تدوينه اول مااطلبه باذن الله 

انتظرونا 

<< يسمع بالتشويق :tongue:

تدوينات سابقة

سواليف التسوق من النت

9.7” black case for Apple iPad

وصلني قبل اسبوع تقريبا

سواليف التسوق من النت

خطوة بخطوة كيف تحجز استضافه موقع بدولار واحد وتاخذ 150 دولار هديه ! ( العرض لفترة محدودة )

  اذا عندك موقع او تفكر تسوي موقع او مدونة .. العرض ذا لاتفوته اضغط هنا شف موقع الاستضافه FatCow العرض الى 30 نوفمبر  اليوم 18 نوفمبر .. وعليكم الحساب 

سواليف التسوق من النت

حماية شاشة الجوال من المخوش

اشين شئ انه يكون جوالك شاشة لمس ويتمخش فمن هالمنطلق كان كل همي اشتري له شئ يحميه من هالامور .. خصوصا لاصار بمخباتك مع مفاتيح السيارة

سواليف التسوق من النت

التسوق من النت – خطوة بخطوة – | بطاقات التسوق مسبقة الدفع

الحين صار كل شئ تبيه تحصله بالنت .. وبسعر اطلق الف مرة من اللي عندنا  بعض المحلات يستغلون عيني عينك جهل الكثير بالتسوق من النت ويدبلون السعر  احيانا تضطر تطلب

سواليف التسوق من النت

البحث و الحجز للرحلات السياحية والسفر 2 || البحث عن رحلات الطيران

امتداد لسلسة الحجز للرحلات السياحية امس تكلمت عن البحث عن طريق السفر وكيف تشوف الخيارات المتاحة لك والفرص الموجودة عن طريق هذي التدونية هنا اليوم بتكلم عن طريقة البحث عن

Discounts and Coupon codes

15 دولار هدية اذا شريت من بلاي ستيشن ستور عن طريق باي بال ب 80 دولار

متجر بلاي ستيشن اتاح خدمة الدفع عن طريق Paypal فيه عرض ينتهي 31 اكتوبر في حال قمت بالشراء بمبلغ 80 دولار تحصل على رصيد 15دولار