سبق كتبت تدوينه اتكلم عن ebay 

وش سالفته وطريقته وبعض الامور المهمة والاساسية لاي واحد ناوي يشتري منه 

https://yasser9.com/2011/how-to-shop-ebay/

ضروري جدا تقراه وتصير عارف كيف تثق بالبائع وكيف تعرف النصاب وتبعد عنه :wink:


اليوم بكتب تدوينه فيها تطبيق لطريقة الشراء خطوة بخطوة 

سواء كان عندك paypal او لا 

paypal كتبت عنه تدوينه سابقه هنا 

اما اذا كنت جديد مرة ارجع لاول تدوينه هنا :tongue:

نبدا بسم الله :wink:

الطلب كان 

*اضغط على الصورة وتشوفها بحجمها الطبيعي *

وايضا 


اول شئ تسويه اذا بتطلب اكثر من شغله تضغط على Add to cart 

كذا بعد ماجمعنا الاغراض اللي بنطلبها 

ملاحظه اذا بتطلب نفس الشئ اكثر من حبه عدل ال Quantity الى الرقم اللي تبيه 

نضغط على Proceed to checkout 

بتجينا صفحة التأكيد الاولى نضغط على  continue 

بعدين بيحولنا على صفحة paypal 

زي ماوضحت بالصورة  وابوريكم كيف تكون بالباي بال وكيف تكون مباشرة 

اول شئ اذا كنت مفعل الباي بال ومسجل فيه تحط ايميلك والرقم السري وتضغط على Log in

بعدين بيوريك صفحة زي كذا يعني يوريك كم السعر بالريال ووش البطاقة اللي بيسحب منها – المسجله بالباي بال  حقك – 

وهذا مهم لانه لو نقص ريال واحد ببطاقتك مايقدر يسحب وبيلغي الطلب :dizzy:

بعدين تضغط continue 

طيب لو كنت ماعندك باي بال كيف تدفع مباشرة ببيانات بطاقتك ؟ 

كذا 

زي ماهو واضح بالصورة 

تعبي البيانات عادي 

اخر شئ اضغط على 

Riview and continue 

والصفحة اللي بعدها زي هذي 

تكمل continue 


طبعا سواء دفعت بالباي بال او بالبطاقة مباشرة بيرجعك ثاني مره لهالصفحة 

لاحظ الارقام اللي حطيتها 1 و 2 و3 و4 

هذولي شيّك عليها وتأكد منها انها صحيحه 

بعدين اضغط على تأكيد الدفع Confirm payment

بيجي كذا يعني قاعد يسحب الدراهم من حسابك :tongue:

:silly:

خلاص انتيهنا 


ebay فيه كل شئ من السيارات لين المستلزمات الشخصيه

لكن لازم تكون منتبه كويس للشي اللي تبي تطلبه 

ممكن يكون تقليد من الصين مثلا  كثير بائعين صينين فيه

ممكن يكون مستعمل موب شرط جديد 

لكن حاول تقرا كل اللي مكتوب وتفهمه لانه عاده يكون موضح كل شئ .. واهم شئ ابعد عن اصحاب التقييمات القليلة .. اقل من 98% لاتقربه وخلك عند اللي عدد Feedback بالالاف 

معناته ذا انه سبق تعامل بالالاف .. اللي طلبت منه اليوم الفيدباك حقه 62 الف :w00t:

اعذروني تطبيقي اليوم كان على سعر ثابت موب مزاد 

نصيحتي بالمزاد – زي ماقلت بالتدوينة اللي قبل – انتظر حتى اخر 5 دقايق بعدين حط سعر اعلى شوي .. عشان تطيح لك بارخص شئ :wink:

اذا كنت تبي تتفرج على عروض رهيبه .. شف صفحة العروض اليوميه – طبعا كلهم بائعين موثوقين – 

هنا

http://deals.ebay.com/?_trksid=p5197.m1256

 

واي استفسار انا موجود :whistle:

 

تابعوا جديد المدونه عن طريق الفيس بوك 

http://www.facebook.com/pages/سواليف-ياسر/275813719107880

او عن طريق الاشتراك بخلاصات RSS

http://feeds.feedburner.com/yasser9/RAGo

سجل ايميلك بالقائمة البريدية ويوصلك جديد المدونة  

http://feedburner.google.com/fb/a/mailverify?uri=yasser9/RAGo

2 CommentsClose Comments

2 Comments

  • محمد العرفج
    Posted 01/11/2011 at 4:14 صباحًا 0Likes

    ما شاء الله يا ياسر توني ادري بصراحه عن مدونتك 😛 .. شرحك مميز وسهل وبسيط ومافيه تكلف .. ومن جد كنت محتاج هالموضوع .. الف شكر لك يا صديقي .. وواصل

  • Posted 01/11/2011 at 3:39 مساءً 0Likes

    حياك الله يابو عرفج :d

Comments are closed.