موقع Expedia
من المواقع المعروفه بالحجز طيران او فنادق
على فكرة سمعت كذا مكتب حجز يحجز عن طريقه .. وياخذون عمولة .. فلذلك ليش ماتحجز انت من بيتكم اريح لك وارخص لك
سبق سويت تدوينه هنا عن حجز طيران لدبي بالصور
اليوم حجز لامريكا
ليش بعيد ارجع واشرحها مع انها نفس الموقع ؟
لانه فيه اكثر من محطه توقف وفيه اختلاف عن اللي قبل ولو انه بسيط
والتكرار يعلم الشطّار
بسم الله نبدأ
بعد ماندخل الموقع ونختار الطيران والمكان اللي بنروح له والتاريخ
فيه زر مكتوب
اضغط عليه
زي ماوضحت بالصورة .. بدون توقف اللي هو رحله مباشرة الى المدينة اللي تبغاها
الخيار الثاني في حال هوّنت عن السفر .. وتبي تكنسل بعض الشركات يرفض يرجع لك المبلغ
اذا اخترت الخيار الثاني ممكن يرجع لك مبلغ الحجز
عندنا بعدها
Preferred airline تختار الطيار اللي تبيه – انصحك تخليه زي ماهو –
class: اللي هو الدرجه عندك سياحية او درجه اولى او درجة رجال الاعمال
لو شفت مثلا عندنا الرحلتين هذي وش الفرق بينها ؟
الاولى يقولك الرحلة كامله على طيران Lufthansa -المانية-
ومكتوب تحتها
connect in هذي الترانزيت ومحطات التوقف قبل المدينة اللي تبي تروح لها بالاخير
بالرحلة الثانيه موجود عندنا شعارين
طيران الامارات وطيران Delta
هذا الفرق والمقصود بتواجد اكثر من شركة طيران
مكتوب عندنا بعد Duration اللي هو مدة الرحلة كاملة
مثلا اخترنا رحلة الاماراتية
بعد ماتضغط على
Choose this flight
بتجيك هالصفحة بوضحها بالتفصيل
بالجهة اليسار مكتوب كذا
هذا جدول الرحلة .. طيب وش معناه ؟ بوضحه بالتفصيل
مكتوب اول شئ كذا
يعني من الرياض الاقلاع الساعه 4:20 am
يعني صباحا – الفجر –
الى دبي
arrive يعني الوصول
الجزء هذا مكتوب 543 mi
يعني المسافة من الرياض الى دبي 543 ميل
اللي تحته
Duration اللي هو مدة الطيران
بعدها مكتوب Flight 816
اللي هو رقم الرحلة
وشعار الخطوط اللي بتاخذها
وهكذا
ان شاء الله تصير واضحه
تحت الجدول مكتوب كذا
اللي هو مدة الرحلة والطيران كاملة
18hr 38mn
يعني 18 ساعه و 38 دقيقه
اللي بين الاقواس هو مدة الرحلة مع الترانزيت ومحطات التوقف والانتظار
بعد ماتشوف الرحلة وناسبتك وبتكمل حجز تنزل تحت وتشوف الباقي
الشروط والاحكام وبعدها مكتوب تبي تسجل او تسجل دخول
سجل ازين لك عشان تستفيد بعدين لو عندك رحلة وتبي خصم ممكن تجي عروض وكذا
اذا كنت مسجل من زمان وسبق حجز ت وحفظت اسماء الاشخاص بيطلعون بالقائمة اليسار
واذا ماكان الاسم موجود اضغط على
Enter traveler name
اذا كنت مسجله قبل بيطلع لك كذا تأكد من الاسم
الاسم تكتبه بالانجليزي ويكون مطابق للي بالجواز
وكمل البيانات
فيه خيار مهم اللي هو الوجبات
اختر Halal
يعني اكل حلال
ماله داعي بكرة حاطين لك وجبه فيها خنزير
مكتوب Open to see more trip details
اضغط عليه عشان تشوف التفاصيل حقت الرحلة مرة ثانيه للتأكيد
تحته مكتوب كذا
هذا برنامج النقاط تستفيد منها خصم بعدين .. بعد 30 يوم او شئ زي كذا مكتوب لك عدد النقاط اللي عندك وتقدر تستفيد منها بعدين
تكمل بيانات الدفع بالبطاقة الائتمانية
اهم شئ هنا تتأكد من ايميلك لانه بيرسلون لك نسخه من التذكرة
وبعدين اخر شئ مكتوب السعر اللي بيسحبونه من حسابك
واذا خلاص تأكدت توكل على الله واضغط على اللي بالاخضر
Complete this booking
بكذا يقولك خلاص تم الحجز وارسلنا رسالة الى ايميلك فيها نسخه من الحجز
وانه عندك 604 نقطه تقدر تستفيد منها في رحلتك الجايه
ازين شئ تسويه اضفط على اليسار مكتوب Print itinerary
اضغط عليه واطبع الرحلة لانه بتحتاجه بالمطار رقم الرحلة وكذا شئ
رحلة موفقة للجميع
تابعوا جديد المدونه عن طريق الفيس بوك
http://www.facebook.com/pages/سواليف-ياسر/275813719107880
او عن طريق الاشتراك بخلاصات RSS
http://feeds.feedburner.com/yasser9/RAGo
سجل ايميلك بالقائمة البريدية ويوصلك جديد المدونة
http://feedburner.google.com/fb/a/mailverify?uri=yasser9/RAGo