بريد DHL مجاني للتسوق من بريطانيا وامريكا ( تسجيل مجاني حاليا )
04/05/2011 2428 Views

بريد DHL مجاني للتسوق من بريطانيا وامريكا ( تسجيل مجاني حاليا )

https://www.borderlinx.com/a/images/common/ui/bs/logo.png || 


خدمة borderlinx هي خدمة منافسه لخدمة ارامكس SHOP&SHIP

التسجيل بالخدمة مجاني

تفتح لك صندوق بريد في بريطانيا وصندوق بريد ثاني في امريكا

طيب بعضهم بيقولي انا عندي ارامكس وش الفايده من هالخدمه:unsure:

اول شئ انك ماراح تخسر شئ التسجيل مجاني الحين:wink:

ثاني شئ بعض الاشياء مثل العطور ممنوع شحنها من ارامكس .. تحطها على DHL :wink:

ممكن بعض الاغراض الثقيله تكون عندهم ارخص من ارامكس .. اتوقع ماجربت حقيقه

لكن بنهاية التدوينة بحط تسعيرتهم للشحنات وكم ياخذون

الشئ الاهم انهم يوفرون توصيل بنوعين

يا 2-3 ايام

او  4-6 ايام

من وصول الشحنه الى بريدك المسجل هناك

بينما ارامكس خلال 5 الى 7 ايام :ermm:


انا للامانة الى الان ماجربتهم لكن سجلت ويبدو لي فيه اشياء كويسة

الخطوات بالتسجيل فيه بسيطه جدا

1- تدخل هنا

https://www.borderlinx.com/m/member/register

تسجل ايميلك وتختار رقم سري

بين 8 الى 15

لازم يكون فيه حرف ورقم

واخر خيار تختار من وين سمعت عن موقعهم اذا عن طريق موقعي اختار blog



2- بيجيك رسالة على البريد فيه رابط تفعيل زي كذا


اضغط على الصورة عشان تشوفها بحجمها الطبيعي


3- تبدا تعبي بياناتك

ابشرح بالكامل



طبعا بعد ماتختار
اقرب مركز DHL

بيكمل الفراغات الباقية تلقائيا

ان كنت بالرياض

وتبي المركز اللي بشرق الرياض هو Sulay

وان كنت تبي حق العليا اختار Olaya Service Point

وبعدين اخر شئ حط علامه صح جنب الموافقه على الشروط والاحكام زي اللي بالصورة

وبعدها الزر اللي تحته


وعلى طول بيفتح لك صفحة فيها عنوانك البريدي ببريطانيا وبامريكا وبيرسله على ايميلك بعد



طبعا اللي محدده بمربعات حمراء ومطموس عليه هذا الخاص فيك

تروح تحطه بامازون واي بي واي موقع تبي تشتري منه وتبغاه يوصل على بريد دي اتش ال فيه


الحين نجي لاسعارهم

نشوف اول كيلو ب 28.35 دولار يعني تقريبا 106 ريال



مادري كأني قريت انه ممكن ياخذون مبلغ اضافي وكذا

فلذلك لازم تتاكد من DHL قبل لاتختار واتصل عليهم حتى تقطع الشك باليقين

وهذا رابط حساب قيمة الشحن بالضبط

https://www.borderlinx.com/m/total-cost-calculator

جربت احط شحنه وزنها نص كيلو وقيمتها 10 ريال

طلع لي التكلفة 117 ريال !!:shocked:

مدري ليش يضيفون قيمة الشحنه !

فلذلك اللي بيجرب انصحه يتصل على مكتبهم ويتاكد كم بيكلف قبل لايتوهق

عن نفسي افضّل ارامكس عليهم طبعا .. الشحن ارخص لانهم ياخذون نص كيلو ب 65 وبعدها كل نص كيلو بـ 35 ريا

تدوينات سابقة

سواليف التسوق من النت

[ شرح ] كيف تعرف المنتجات التي تقبل الشحن الدولي في موقع امازون

بكل بساطة من الخيارات بالجهة اليسار اختر هذا الخيار طبعا موب على كل حال الشحن من امازون مباشرة اليك يكون ارخص .. لكن احيانا يكون ارخص واكيد اسرع

سواليف التسوق من النت

خطوة بخطوة كيف تحجز استضافه موقع بدولار واحد وتاخذ 150 دولار هديه ! ( العرض لفترة محدودة )

  اذا عندك موقع او تفكر تسوي موقع او مدونة .. العرض ذا لاتفوته اضغط هنا شف موقع الاستضافه FatCow العرض الى 30 نوفمبر  اليوم 18 نوفمبر .. وعليكم الحساب 

Discounts and Coupon codes

كوبون 15 % | موقع Cardstore.com للبطاقات

حطيت قسم جديد اسمه  Discounts and Coupon codes  تجيني كثير كوبونات واعلانات مواقع موثوقه وماحتاجها .. بشاركها معكم هنا كل فترة ان شاء الله    اليوم موقعنا هو Cardstore.com هذي بطاقه

سواليف التسوق من النت

بـ 3 ريال بس !

  ايه بـ 3 ريال بس ! في جولتي في موقع البيع العالمي المعروف ( eBay )

سواليف تقنيّة

15 دولار هدية اذا شريت من بلاي ستيشن ستور عن طريق باي بال ب 80 دولار

متجر بلاي ستيشن اتاح خدمة الدفع عن طريق Paypal فيه عرض ينتهي 31 اكتوبر في حال قمت بالشراء بمبلغ 80 دولار تحصل على رصيد 15دولار

سواليف التسوق من النت

الطلب المسبق لجهاز ون بلص ون اليوم – 17 نوفمبر

  الجهاز الرائع ون بلص ون اليوم يفتح الطلب المسبق - للطلب بالعاده لازم تاخذ دعوه من احد اللي اشتروا الجهاز الدعوات تكون عشوائية والان تقريبا الان كملت شهر من