في eBay كيف تتسوق ؟!
21/03/2011 608 Views

في eBay كيف تتسوق ؟!

سبق ان كتبت تدوينات عن التسوق من النت للمبتدئين

هنا و هنا و هنا

وهذي تجاربي من موقع eBay :

اضغط هنا و هنا و هنا و هنا 

موقع  eBay كبير على مستوى العالم تاسس في عام 1995

فيه تقدر تشتري و تبيع

فيه مزادات فيه الجديد والمستعمل

بتكلم بها التدوينه عن جزئين

عن تأسيس الموقع ونبذه بسيطه عنه

والجزء الثاني عن طريقه الشراء فيه واهم الاشياء اللي لازم تكون عارفها

هذا اسمه Pierre Morad Omidyar

ايراني-امريكي

هو مؤسس موقع اي بي

ويملك ثروة تقدر ب 5.5 مليار دولار:silly:

في عام 97 عدد المزادات وصلت مليونين مزاد  مقارنه بـ 250 الف مزاد في عام 96 

في عام 98 عدد الموظفين كان لايتجاوز 30 موظف ودخل الشركة وصل 4.7 مليون دولار

في 2008 بعد ماصارت خدمات الموقع على مستوى العالم اصبح عدد الموظفين يتجاوز 15 الف ! والارباح وصلت الى 7.7 مليار دولار

هذي مقتطفات بسيطه عن تطور عمل الشركة للمزيد هنا

 

طبعا زي ماذكرت بتدوينتي السابقه هنا ان paypal شئ اساسي قبل لاتقدر تشتري

اول شئ لازم نعرف وش الاقسام والاشياء الموجوده بالموقع للبيع

كل شئ بدون استثناء ممكن تحصله .. حتى لقيت كرتون جهاز فاضي للبيع وريالات للبيع:w00t:

 

لكن لازم نعرف شئ .. انه فيه ناس نصابين بالموقع .. يعني موب بشرط يسرقك بصريح العبارة

ممكن يرسلك شئ غير اللي طلبته .. مكسر مثلا .. او لون غير اللي بالموقع .. او مايشتغل او تقليد

طيب كيف نعرف النصابين او اللي موب مضمونين ؟! .. بكل بساطه نشوف التقييم

الافضل دائما تشتري من اللي جنب اسمه هالشعار

 

خلنا ناخذ مثال :

وش افهم من هالصورة ؟

انه بائع موثوق

عدد اللي تعامل معهم 893

نسبة التقييم 100%

لكن احيانا تلقى فيه بائعين كثار ماعندهم شعار Top rated seller

مثل هذا

 

نلاحظ هنا عدد التقييمات 121366 (اكثر من 121 الف تقييم ! )

ونسبة التقييم 99.4%

هذا يبين لك انه موثوق لكثرة الناس اللي تعامل معهم وتقييمه عالي

اعتقد وصلت الفكرة:kissing:

يعني الشراء من بائع تقييمه قليل يعتبر مخاطرة احيانا .. مع انك بتشتري من الباي بال اللي هو الوسيلة الامنه للبيع والشراء بالنت

يعني انك في حال تم النصب تقدر ترفع طلب تعويض واسترجاع المبلغ .. لكن بياخذون وقت وتاخذ وتعطي :sick:.. من البداية ابعد عن الشر وغني له

 

طيب الحين بنشوف وش الاقسام اللي بالموقع

كل شئ تقريبا موجود

انا ادخله اذا بغيت ابحث عن شئ معين اكتب بصندوق البحث

او احيانا تحصل لك فرص مميزه بالعروض اليوميه 

http://deals.ebay.com/

ايضا ممكن تشوف عروض للفاشن والازياء والملابس هنا

http://fashion.ebay.com/

 

طيب الحين فهمنا الاساسيات كيف نبحث ونشوف ونعرف

نبغى نتعرف الان على كيفيه الشراء بالضبط

قبل لاتدخل بمزاد او بعرض وتطلبه .. تأكد انك تملك المبلغ بالبطاقه .. وتأكد انك حسبت حساب التوصيل ومتأكد انك خلاص تبغى السلعه هذي

لانه في حال طلبت الشراء وماشريته راح تتعرض للايقاف من الموقع

اقرا كويس عن الشئ وكم يكلف التوصيل وكيف استخدامه ومدة التوصيل وكل شئ قبل لاتضغط  شراء

 

طرق الشراء من الموقع كالتالي :

النوع الاول /

سعر محدد من البائع ولاتقدر تناقشه فيه يرمز له بـ Buy it Now 

طبعا بالمثال هذا زي ماهو واضح لنا

Item Condition معناته حالة السلعه .. مكتوب هنا جديد

وعندنا Quantity مكتوب 1 .. اللي هو كم حبه تبي منه ؟

موضح لنا السعر ومكتوب جنبه شراء الان

تحته مكتوب Bucks وهذي ميزه جديده.. كلما شريت شئ يعطيك زي مانقول قسيمة شرائيه من الموقع .. وهنا واضح انهم محددين 20.5 $

وتحته مكتوب Shiping وهو التوصيل .. بيكلف 30 دولار

Delivery معناته مدة التوصيل المتوقعه وحاط التاريخ

 

النوع الثاني /

سعر محدد وامكانية المفاوضة .. يعني تقدر تكاسره على السعر:biggrin: لكن موب دائما تحصلها 

طبعا تضغط على Make Offer وتحط عرضك .. مثلا باخذ منك اثنين بـ 200 ( بالمثال اللي حطيته )

ولك عدد اقصى من العروض .. 3 مرات تحط عرضك فقط


النوع الثالث /

المزايدات فقط  Auctions only

بالمثال هذا

نشوف ان الحالة مستعمل Used

ونشوف الوقت المتبقي Time left

Bid history  هو عدد المزايدات

ونشوف current bid اللي هو السعر اللي وصله الان

وتحت تقدر تزايد

(مكتوب لك بخط صغير 315 $ كحد ادنى للمزايده بها المثال فقط )

 

النوع الرابع /

مزايدات أو سعر محدد

 

زي ماهو واضح بالمثال .. المزايده وصلت 2000 دولار .. والسعر المباشر للشراء 2500 دولار

يعني تقدر تاخذه بـ 2100 دولار مثلا لو بتزايد .. لو مستعجل تقدر تاخذه 2500 بدون مزايدات ومباشره

 


فيه  نقاط مهمة :

– بداية التسجيل وكتابة عنوان البريد مشكلة قد تواجه البعض

خصوصا عندنا بالسعوديه اذا بغيت تحط عنوانك احيانا تواجه مشكلة لكن لكن يسعدني اساعدكم عن طريق

سؤالي بالفورم سبرنق هنا

او على الايميل

9@Yasser9.com

او مراسلتي على تويتر مباشره

@YASSEROVIC

– اكثر البائعين مايوصل للسعودية .. ولو كان ممكن التوصيل بيكون الشحن غالي .. او بياخذ   فتره طويلة   

مثلا تجربتي من بائع من هونج كونج

رغم ان المسافه من هونج كونج الى السعودية اقرب من امريكا ..لكني جربت بحالتين ..

شريت وحطيت عنواني بالسعودية .. واخذ له شهر وشوي ومرة ثانيه قعد شهرين كاملات :dizzy:

اذا اخترت البريد العادي وكان مجاني بالعاده

ومرة شريت وحطيت على بريد ارامكس بامريكا .. وصل بعد اسبوعين:wub: تقريبا للبريد

– دائما انتبه من الشحن وقيمته

– بحالة المزايده .. انا انصح دائما .. لاتدخل وتحط مزايدتك الا باخر دقيقتين:wink: حتى مايرتفع السعر من البداية

وتقدر تخطفه لو كنت مركّز باخر الثواني ( اخر 15 ثانيه ) زود على السعر مثلا 5 دولار او 10 دولار وتقدر تلقطه

لو كان فيه طحن ومطاحن على السلعه وكثيرين اللي يزايدون:angel:

 

– اذا كان عندك استفسار عن سلعه معينه .. الاغلبيه تلقى تحت مكتوب اضغط هنا للسؤال

زي هذا المثال


بعدها بيفتح لك اسئلة شائعه .. واذا مالقيت جواب لسؤالك تقدر تساله مباشره وترسله


– مب كل شئ تلقى عليه تخفيض بها الموقع بيكون رخيص عننا .. احيانا يكون فيه اشياء عندنا بالسعودية مثلا سعره قريب منه ..

لاتتحمس وتشتري قبل لايكون عندك خلفيه عن السعر هنا  :cool:

– الجوالات انتبه ! حيانا يقول انه حصري لشركة at&t مثلا

ركز على كلمة unlcoked يعني مفكوك على كل الشركات بدون استثناء

 

– هنا نشوف وين مكان البائع فيه ووين ممكن يشحن له



– استعمل ميزة Watch list قائمه المشاهده

خصوصا اذا لقيت اغراض حلوة وتبي تشوفها على رواقه :happy: في وقت ثاني بدال لاتبحث عنها او تضيعها 

بكل بساطه تحصلها كذا


وتقدر ترجع لها من فوق تضغط على my ebay



– فيه تطبيقات eBay

للايباد هنا

للايفون هنا

اجهزة الاندرويد هنا


اتمنى ان تكون التدوينه مفيده للجميع

 

وياليت محد يزرفها وينسبها لنفسه لاني ماسمح بنسخها بدون الاشاره الى المصدر وماراح احلله وابدعي عليه الله لايحللها ولايبيحه :dizzy:

<– قاعد ساعتين يشتغل ويصور وينسق التدوينه:cwy:

 

ان شاء الله خلال الفترة القادمه ببدا اكتب عن مواقع شراء تعاملت معها سواء كانت لحجز التذاكر الطيران او الفنادق  او شراء اغراض من مواقع صينيه وهكذا

ترقبوني :blush:<– يسمع بالتشويق:tongue:

تدوينات سابقة

سواليف التسوق من النت

الطلب المسبق لجهاز ون بلص ون اليوم – 17 نوفمبر

  الجهاز الرائع ون بلص ون اليوم يفتح الطلب المسبق - للطلب بالعاده لازم تاخذ دعوه من احد اللي اشتروا الجهاز الدعوات تكون عشوائية والان تقريبا الان كملت شهر من
سواليف التسوق من النت

خطوة بخطوة تطبيق لطريقة الشراء من eBay

سبق كتبت تدوينه اتكلم عن ebay  وش سالفته وطريقته وبعض الامور المهمة والاساسية لاي واحد ناوي يشتري منه  http://www.yasser9.com/2011/how-to-shop-ebay/ ضروري جدا تقراه وتصير عارف كيف تثق بالبائع وكيف تعرف النصاب

سواليف تقنيّة

15 دولار هدية اذا شريت من بلاي ستيشن ستور عن طريق باي بال ب 80 دولار

متجر بلاي ستيشن اتاح خدمة الدفع عن طريق Paypal فيه عرض ينتهي 31 اكتوبر في حال قمت بالشراء بمبلغ 80 دولار تحصل على رصيد 15دولار

سواليف التسوق من النت

عروض امازون للبلاك فرايدي

هذي الفترة افضل فترة للشراء اغلب الشركات تحط تخفيضات بشكل كبير

سواليف التسوق من النت

التسوق من النت – خطوة بخطوة 2 – | الشحن الى السعودية ( مقارنة لوسائل الشحن المتوفره )

تكلمت بالتدوينة السابقة عن اول واهم خطوة للتسوق من النت هنا http://www.yasser9.com/2011/prepaidcard/ التدوينه هذي بتتكلم عن خمس طرق للتوصيل والشحن الى السعودية  

سواليف التسوق من النت

نمشي

متجر نمشي موقع مميز صراحه وشغلهم احترافي وكبير من المتاجر الالكترونية العربية اللي نفخر فيها صراحة لتميزها شغلهم احترافي وكبير وهذا الشئ نادر تحصله من الاشياء الجميلة فيه لك 14