تنبيه مهم لمستخدمين خدمة شوب اند شيب من ارامكس | حتى ماياخذون عليك مبلغ اضافي

كتب بواسطة ياسر 2 تعليقات

هالحركة صارت معي ولاحظتها مع اكثر من شخص مؤخرا .. فياليت تنتبه لها حتى ماياخذون عليك مبلغ اضافي موب من حقهم 

مادري وش نظامهم او هي حركة متعمده ولا لا 

بس اذا طلبت اكثر من غرض ووصلت لصندوقك بنفس التاريخ 

شف مثلا هنا 

هالشحنتين وصلت بنفس التاريخ للصندوق 

لكنها شحنت بوقتين مختلفين 

ماعرف كيف اليه الشحن عندهم .. بس تشوف شئ يشحن مباشرة للرياض وشئ ياخذ له لفه على بريطانيا دبي او البحرين بعدين يجي الرياض 

المعروف ان اي شحنه من نص كيلو وتحت عليه 65 ريال وكل زياده نص كيلو يحسبونه بـ 35 ريال 

وطبعا لما رحت للمكتب طلع لي فاتورتين كل واحده ب 65 ريال 

يعني كان الاجمال 130 ريال 

بينما مجموعها كلها اقل من نص كيلو 

قلتله لا وصلت بنفس التاريخ للصندوق قام وغير الفاتورة لفاتورة وحده 65 ريال 

نقطه مهمة وحبيت انبه عليها 

تابعوا جديد المدونه عن طريق الفيس بوك 

http://www.facebook.com/pages/سواليف-ياسر/275813719107880

او عن طريق الاشتراك بخلاصات RSS

http://feeds.feedburner.com/yasser9/RAGo

سجل ايميلك بالقائمة البريدية ويوصلك جديد المدونة  

http://feedburner.google.com/fb/a/mailverify?uri=yasser9/RAGo