التسوق من النت – خطوة بخطوة 3 – | طرق الدفع الامنه والافضل PayPal وغيره بالصور
26/10/2011 950 Views

التسوق من النت – خطوة بخطوة 3 – | طرق الدفع الامنه والافضل PayPal وغيره بالصور

تكلمت بالسابق :smile: عن اساسيات التسوق بالتدوينتين السابقتين 

بطاقة مسبقة الدفع هنا 

وطريقه الشحن هنا

اليوم اتكلم عن طرق الدفع لأي تعامل مع اي شخص بالنت كان موقع تسوق او اشخاص تشتري منهم 


في اغلب مواقع التسوق تكون الطريقه الاولى هي الدفع المباشر يعني تحط بيانات بطاقتك الائتمانية وهم يسحبون 

انا عن نفسي ابدا مافكر فيها ولاتفكر فيها انت بعد

– طبعا باستثناء موقع امازون – لانه مايقبل الطرق اللي بذكرها اليوم ولانه موثوق لدرجه 100% :wink:

خلونا نستعرض كيف الدفع يكون :


paypal شركة تابعه لـ eBay 

وهو موقع التسوق والمزادات الشهير 

سبق كتبت تدوينه عنه وشرح له هنا 

http://www.yasser9.com/2011/how-to-shop-ebay/


طبعا الفكرة انك تحط بيانات بطاقتك فيه .. واذا بغيت تدفع من اي موقع تسوق يقبل باي بال يحولك لموقع باي بال 

تسجل دخول بايميلك المسجل وبعدها تحط انك موافق على الدفع 

مايخذون نسبه ولا زياده ولا اي شئ عليك كـ مشتري 

همن يستفيدون من البائع ياخذون منه نسبه معينه 

واللي يميز paypal ان فيه تقدر تشتكي البائع لو نصب عليك باي حاله كانت 

سواء : سحب عليك ماارسل الشغله , ارسلها وطلعت غير , او خربانه .. الخ 

لكن انتبه ! .. لازم تكتب لهم قبل 45 يوم .

منشان هيك يعتبر paypal 

آمن طريقة تدفع فيها :wink:

طريقه التسجيل فيه :

اول شئ نختار Sign Up 

بعدين 


طبعا اذا اخترت السعودية بيطلع لك خيارين بس 

Business اذا كنت ناوي تفتح لشركتك او عندك موقع تسوق وتبي تستقبل فلوس وكذا من باي بال 

اتوقع الاغلب ان ماكان كلنا بنختار حساب عادي حساب شخصي


تحط بياناتك عاديه .. تأكد ان البيانات صدقيه لاتألف عليهم :dizzy:

رقم الجوال مهم لان لو عندك مشكلة تقدر تتصل من جوالك على رقمهم

بعد ماتحط هالبيانات الاولية بيطلب بيانات بطاقتك الائتمانية 

بعد ماتحطها بيقولك ترانا سحبنا من حسابك دولار للتأكيد خلال يوم تقريبا ارجع شيّك على حسابك

تدخل حسابك بالبنك وتشوف العمليات اللي صارت على بطاقتك 

تبي تلقى سحب مبلغ دولار 

شف من مين تلقى مكتوب

وهذا شرح من العضو 

Nawaf.N

بالبوابة الرقمية جزاه الله خير

طبعا الشرح للاهلي



شف الاربع ارقام

تروح تحطها بموقع باي بال بعد ماتسجل دخول بمكان التفعيل



وبعد مايتفعل الحساب تقدر تشتري وتسقبل فلوس عن طريقه 


من فترة قريبه جدا صار باي بال يقبل بعض الدول العربية ومن ضمنها السعودية انه يحول لك احد فلوس فيه 

لكن فيه مشكلة انك ماتقدر تحول المبلغ اللي يوصلك .. لازم تحوله على حسابك البنك بامريكا او بطاقة الفيزا حقتك بالسعودية ويخصمون منك 5 دولار 

طبعا هذا الكلام مايهمك لكني ذكرته للمعلومية ولاني ناوي اكتب تدوينه عن كيف تكسب من الانترنت وكيف تستقبل الفلوس وقتها :cool:


Escrow service : 

هذي طريقتهم انك تدفع للموقع ويستقبلون فلوسك مايوصولونها للبائع لين تأكد سلامه المنتج لك

من اشهر المواقع اللي تقدم هالخدمه 


باقي الطرق تقريبا تحاول تنافس باي بال بس بدري عليهم للحين خخ لكن بذكرها للفايده والمعلومية 

مفيده جدا اذا بتشتري او تبيع شئ ثمين وخايف ينلعب عليك

طبعا بياخذون نسبه 


التابعه لموقع Alipay.com ومواقع صينيه مثل aliexpress

هذي جربتها طلبت شغله من aliexpress

وكان اتفاقي مع البائع ان التوصيل خلال 3 ايام وكان يحسب لي عداد تنازلي بالساعات لل 3 ايام وبعد ماكمل العد قالي هل استلمت الشحنه ولا لا 

تجربه مميزة صراحه وتحس بالثقه  لعلي اكتب عن تجربه ونظره عامه للموقع ذاك ان شاء الله :whistle:

طبعا اذا جحدت ومسوي بتنصب عليهم بيقفطونك خخ لاتسوي ذيب ولايكثر :tongue:


وفيه مواقع ثانيه عن طريقها ممكن تشتري او تستقبل فلوس 

مثل 

AlertPay

mooneybookers سابقا 

واسمها الحين skrill

 

هذا اللي يحضرني حاليا 

 

 

زبده التدوينة : 

لازم يكون عندك حساب Paypal 

اغلب واكبر المواقع تتعامل معه

eBay مايتعامل الا معه 

هذا بخلاف المميزات اللي ذكرتها قبل :wink:

 

المواقع اللي تقدم خدمة Escrow  زي aliexpress بتحس بالثقه والامان اكثر .. لكنها قليله مقارنه بالباي بال


باقي المواقع الثانيه alertPay وطقته نادر بتحتاجها



التدوينة الجاية بتكلم عن كيف تثق بموقع التسوق وكيف تعرف انه موثوق 

Paypal موب شرط  .. نشوف الطرق اللي تثبت فيها ان الموقع موثوق وصدقي للتسوق ولا خربوطي

 



تابعوا جديد المدونه عن طريق الفيس بوك 

http://www.facebook.com/pages/سواليف-ياسر/275813719107880

او عن طريق الاشتراك بخلاصات RSS

http://feeds.feedburner.com/yasser9/RAGo

سجل ايميلك بالقائمة البريدية ويوصلك جديد المدونة  

http://feedburner.google.com/fb/a/mailverify?uri=yasser9/RAGo

تدوينات سابقة

Discounts and Coupon codes

كوبون خصم حتى 20% على رحلات الخطوط السعودية لفترة محدودة

بمناسبة الجنادرية الخطوط السعودية مسوية عرض جديد تخفيض يوصل ل 20%

سواليف التسوق من النت

شرح بالصور | كيف تغير عنوانك او تضيف عنوان ثاني ب eBay

شرحت في تدوينه سابقة هنا عن eBay كيف تتسوق في ebay وهنا تطبيق لطريقة الشراء من ebay كان ببالي اتكلم عن العنوان البريدي  ونسيت وذكرتني الاخت   @loloqatar بتويتر سالتني

سواليف التسوق من النت

كيف تتسوق من النت ؟ # 3

السلام عليكم اعتذر عن انشغالي الفترة الماضيه وتاخري بالتدوين

سواليف التسوق من النت

MyUS اضافت برنامج للاندرويد والايفون لمتابعة الشحنات والطلبات

قد ارسلت لهم هالاقتراح قبل سنه واليوم اشوفهم نزلوا البرنامج

iPad

للايباد والايفون | برنامج جديد Shop and ship من ARAMEX

  برنامج جديد وممتاز صراحه لكل شخص يتعامل مع ارامكس وخدمة شوب اند شيب للتسوق من الانترنت   

سواليف التسوق من النت

التسوق من النت – خطوة بخطوة 2 – | الشحن الى السعودية ( مقارنة لوسائل الشحن المتوفره )

تكلمت بالتدوينة السابقة عن اول واهم خطوة للتسوق من النت هنا http://www.yasser9.com/2011/prepaidcard/ التدوينه هذي بتتكلم عن خمس طرق للتوصيل والشحن الى السعودية