التسوق من النت – خطوة بخطوة – | بطاقات التسوق مسبقة الدفع
25/10/2011 1647 Views

التسوق من النت – خطوة بخطوة – | بطاقات التسوق مسبقة الدفع



الحين صار كل شئ تبيه تحصله بالنت .. وبسعر اطلق الف مرة من اللي عندنا 

بعض المحلات يستغلون عيني عينك جهل الكثير بالتسوق من النت ويدبلون السعر 

احيانا تضطر تطلب من النت لانك ماحصلت الشئ اللي تبيه .. او خلص 


عموما انا سبق كتبت تدوينه قديمة عن التسوق من النت لكنها كانت مستعجله وخربوطيه والله :tongue: 

بعيد صياغه تدوينه من جديد

وبتفصيل اكثر باذن الله 


هاليومين بكتب سلسلة اطول واعمق بالتسوق من النت اشرح فيها وافصل فيها اكثر واكثر 


الخطوة الاولى : 

لازم يكون عندك وسيلة دفع 

الحين تسهلت الامور وصارت اغلب البنوك تقدمها 

اللي هي فيزا او ماستركارد مسبقة الدفع 

اول كان مسألة انك تمتلك فيزا او ماستركارد يعني لازم يكون حسابك مبلغ وقدره

الحين ميزة البطاقه مسبقة الدفع هي انك ماتقدر تشتري بأكثر من الموجود فيها 

يعني مثلا … رصيد البطاقه اللي حطيته انت 100 ريال 

لو طلبت من الموقع وصار مجموع الطلب 101 ريال .. قالوا لك اندزلع :tongue: بطاقتك فيها مشكلة 

وهذي ميزه تفكك شوي لو مسكت خط بالشراء :tongue:

عموما بكل الحالتين الشراء من النت بيخليك تطفر :cool:


ابحاول اكتب كل البنوك اللي تقدم هالخدمة 

برتبها حسب الافضل من اللي سمعته

اضغط على الصورة وبيحولك للبنك اذا بغيت معلومات اكثر :

الراجحي .. ميزته انه على طول يصدرها لك وانت واقف وهذي ماتلقاها عند غيره :cool:

رسومها 100 ريال سنويا 

Visa 



الاهلي

MasterCard

سنويا 100 ريال 

انا اللي استخدمها هالبطاقة .. موب جود فيهم بس لانهم اول بنك اعتقد سوا هالخدمه .. واستمريت معهم :tongue:


بنك الانماء 

Visa 



بنك الرياض

MasterCard


هذا على حسب علمي .. باقي البنوك بعضها يشترط  يكون عندك بطاقة ائتمانيه ومدري ايش .. ابعد عنهم بس وخلك بين ذولا لاتبعد عنهم :wink:

طبعا يختلف سعر الصرف من بنك الى بنك على حد علمي الاهلي الدولار 3.85 ريال 

تبي نصيحتي ؟ .. بنك الراجحي 

ليش ؟

اول شئ انهم اسرع من غيرهم .. يطلعها لك وانت واقف بعكس بنك الاهلي مثلا اللي لازم يخصم منك  مبلغ التوصيل حق DHL وبياخذ اسبوعين

هذا غير انك اذا بغيت الرقم السري لازم تطلبه ويخصم منك مبلغ اصدار رقم سري وتوصيل DHL !

:happy:فايده الرقم السري انك تقدر تسحب من البطاقة من اي صراف عادي زيها زي اي بطاقة بنك  

وفوق هذا Visa 

وش الفرق ؟ يفرق للي عنده حساب باي بال وجاه فلوس من النت ويبي يحولها لحسابه 

حاليا Paypal مايقبل تحويل الفلوس الا اذا بطاقتك فيزا , ماستركارد مايقبلها 

– بتكلم عن هالموضوع مستقبلا – 

طبعا هذي اول خطوة واهم خطوة .. الخطوة الثاني  اللي هي طريقه التوصيل الطلبات 

:cool:ان شاء الله اليوم بنزلها 

تدوينات سابقة

سواليف التسوق من النت

السفر وحجوزات النت خطوة بخطوة احجز بنفسك [ ارخص واسهل الطرق -1- ]

في النت فرص كثيره وكبيرة ومفيده كثير .. تفيدك على الجانب الاقتصادي برحلتك .. تطيح لك مبلغ موب بسيط   

Discounts and Coupon codes

كوبون خصم حتى 20% على رحلات الخطوط السعودية لفترة محدودة

بمناسبة الجنادرية الخطوط السعودية مسوية عرض جديد تخفيض يوصل ل 20%

سواليف التسوق من النت

تجربتي في الشراء من موقع Deal Extreme

بعرض تجربتي بالشراء من موقع Deal Extreme    

Discounts and Coupon codes

كوبون 15 % | موقع Cardstore.com للبطاقات

حطيت قسم جديد اسمه  Discounts and Coupon codes  تجيني كثير كوبونات واعلانات مواقع موثوقه وماحتاجها .. بشاركها معكم هنا كل فترة ان شاء الله    اليوم موقعنا هو Cardstore.com هذي بطاقه

ياسريات

موقع حجز الفنادق ومقارنة الاسعار 7vv | مشروع جديد بالعربي

 السلام عليكم  اليوم اطلقت موقع جديد يقارن الاسعار باكثر من 30 موقع من ضمنهم اكسبيديا وبوكينق وهوتيلز           

سواليف التسوق من النت

ارامكس تضيف صندوق بريد لخدمة Shop&Ship جديد بالصين

  خطوة ممتازة من ارامكس فتحت صندوق بريد بالصين اضافه الى بريد في بريطانيا وامريكا