بها التدوينة بتكلم عن الجهاز خصائصه وبعض المعلومات عنه ومقاطع يوتيوب عنه وبآخر التدوينة بتكلم عن الموقع اللي شريت منه وكم يكلف
وحل مشكلة التعريب من شرح عبدالرحمن العنزي XQ55.net
ماراح ادخل بالتفاصيل الدقيقه بالجهاز لكن ابتكلم بشكل بسيط جدا من اللي لاحظته
الجهاز عليه معالج 1.2 يعتبر الاسرع الان 
شاشة 4.3 انش .. لاحظ كبره قدام الايفون 4 اللي شاشته 3.5 انش
بكتب ان شاء الله تدوينه قريبه عن الفرق بين الايفون4 
والجلكسي اس 2
والجلكسي اس 2 كتبت هنا التدوينة
http://www.yasser9.com/2011/iphone-4-samsung-galaxy-sii/
انحف جهاز حاليا .. بسمك 8.49 ملم بس 
ووزن الجهاز 116 جرام
الجميل فيه ان خلفيته بلاستيك .. يعني لو طاح منك ماتخاف انه ينكسر القزاز الخلفي زي بالايفون
فيه نوعين للذاكرة الداخلية 16 قيقا .. و 32 قيقا
والمميز اكثر انك تقدر تركب ذاكرة خارجيه .. انا مثلا مركب 8 قيقا اضافيه صار عندي 24 قيقا
( 16 قيقا داخل الجهاز و ذاكرة اضافيه 8 قيقا خارجيه ) 
الكاميرا
8 ميجا بكسل
شئ خرافي مااشاء الله
والامامية 2 ميجا بيكسل
طبعا يصور فيديو Full HD 1080
ويشغل نظام اندرويد الزنجبيل 2.3
فيه بلوتوث وراديو والخرابيط ذي كلها موجوده طبعا 
وهذي مقاطع يوتوب تتكلم عن الجهاز
“>24396659
اما كيفيه الشراء .. فيه اكثر من موقع .. المواقع الامريكيه لاحظت انهم اغلى من البريطانية .. يمكن لان ببريطانيا نازل قبل
الزبده شفت موقع clove.co.uk و موقع handtec.co.uk
السعر الاقل كان عند handtec.co.uk
وكلهم pre-order يعني موب متوفر وقتها واكن تحجز واول مايوصل يشحنونه
اول مانزل رحت لموقع هاند تيك وكان فيه مشكلة بطريقة الشراء من باي بال ورحت حطيت طريقة الدفع بالبطاقة الائتمانية مباشرة
وكانت مشكلة .. لانه طلبوا مني ارقام العملية والبنك يقول مافيه رقم .. اخر شئ الغيت العملية ورجعوا الفلوس
وهنا نقطه مهمة دائما اذا حل لك تشتري بالباي بال لاتفكر ابد تشتري بطريقة غيرها
لانه اذا سحب المبلغ خلاص اكيد يروح بدون مايطلبون رقم عملية وتأكيد البطاقة والخرابيط ذي 
..
المهم
.. رجعت مرة ثانية وطلبته .. للاسف يوم اطلبه المرة الثانيه كان مخلص .. بعكس المرة الاولى اللي كان فيه دفعه موجوده وجاهزة للشحن
كان تاريخ الطلب 14/5 ومكتوب بالجهاز بيوصلهم دفعات من يوم 17 .. وطبعا يمشون على حسب الاولوية بالطلب .. انتظرت الى يوم 23 حتى يشحنونه
طبعا السعر كان 429 باوند بدون الشحن .. مع الشحن بالـ DHL يكلف كامل 456 باوند
تقريبا 2830 ريال مع فرق تحويل العملة اللي ياخذه البنك 
طبعا الشحن ياخذ من يومين الى 5 ايام
الشحن كان يوم الخميس واستلمته صبح السبت 
هذا رابط الموقع .. ويوضح انه موجود عندهم الان وجاهز للشحن
بعد ماشحنت الجهاز وشغلته .. كانت عندي مشكلتين:
الاولى انه مايقرا عربي صح .. يطلع الحروف مقلوبه .. وبنفس الوقت مايكتب عربي
وحلها الاخ عبدالرحمن العنزي XQ55.net الله يوفقه
الثانية نقل الاسماء وبتكلم عنها بالتدوينه الجايه
بالتدوينة الجاية بكتب كيف نقلت الاسماء عن طريق الجي ميل