التسوق من النت – خطوة بخطوة 2 – | الشحن الى السعودية ( مقارنة لوسائل الشحن المتوفره )
25/10/2011 714 Views

التسوق من النت – خطوة بخطوة 2 – | الشحن الى السعودية ( مقارنة لوسائل الشحن المتوفره )

تكلمت بالتدوينة السابقة عن اول واهم خطوة للتسوق من النت هنا

http://www.yasser9.com/2011/prepaidcard/

التدوينه هذي بتتكلم عن خمس طرق للتوصيل والشحن الى السعودية  :cool:

بعض او خلني اكون ادق اغلب المواقع ماتشحن للسعودية مباشرة

وبعض المواقع ماتشحن برا امريكا خير شر :unsure:

وبعضهم يشحن للسعودية ماعنده مشكلة … لكن بياخذ مبلغ اكبر من انك تجيبها من امريكا او بريطانيا :getlost:


اول خدمه عندنا خدمة Shop And Ship من ارامكس

هنا رابط لبرنامجهم على الايفون والايباد

تدفع مبلغ فتح الحساب مرة وحده  اللي هو اعتقد 22.5 دولار

يجيك صندوق بريد باسمك في :

امريكا – بريطانيا – الصين

 – الصين بالذات فيها فرص كبيرة وكثيره .. بيجي الوقت  اللي احط فيه تجارب ومواقع صينيه ان شاء الله – 

عيبهم .. انك ماتقدر تجمع الشحنات

اول نص كيلو 65 ريال وبعدها كل زياده نص كيلو 35 ريال

وفيه اداة بالموقع تحسب لك السعر بمجرد ماتحط الحجم

شف مثلا حطيت 1.8 كيلو كم بيوصلونها

الشئ الاخر .. بعض الاشياء ممنوع تشحنها .. مثلا العطور ممنوع تشحنها بارامكس !

على فكرة .. حتى زينه للمبتعثين اللي بيرسلون لاهلهم اغراض .. اعتقد انها بتطلع ارخص من شركات الشحن الثانيه  :wink:


الشركة الثانية عندنا

World Ship

ميزتهم تجميع الشحنات

وش فايده تجميع الشحنات ؟

لو مثلا طلبت سماعات  وطلبت شاشه كمبيوتر .. وصلت السماعات قبل .. مع ارامكس بتدفع 65 ريال لانه نص كيلو واقل وبتدفع قيمة توصيل الشاشه لحال

اذا ماوصلوا سوا

بينما هنا لا .. اطلب السماعات وخلها متى ماوصلت الشاشه تقدر تطلب شحنهم سوا .. لك 45 يوم كحد اقصى

فيه 3 فئات  للتسجيل على حسب طلباتك من النت

وماعندك عنوان الا امريكا بعكس ارامكس اللي عندك 3 دول :wink:

عن نفسي افضل ارامكس .. من تجربه  .. من تالي اسمع عن  ورلد شيب سمعه مش ولابد

هذولا الافضل نجي للباقي


عندنا واصل من البريد السعودي

 فتح الصندوق مجاني اذا فعلت خدمة واصل اللي عند بيتك

– واضح ان ماعندهم سوق زي اللي فوق  :tongue: –

لكن افضل لك يكون عندك هالصندوق .. اسهل لك اذا جيت تطلب من بعض المواقع اللي توصل للسعودية بسعر بسيط

سبق طلبت شئ وحطيته هنا بهالتدوينه 

كنت اطلبه على السعودية على بيتنا على طول ويوصل يمكن خلال اسبوع والشحن على البائع بعد

http://www.yasser9.com/2009/7mayah-m5oosh/

عموما واصل ماقد جربته حتى احكم عليه لكن يميزه  سعر الشحن اقل والدول اكثر

الدول اللي يوصل منها هي :

امريكا – بريطانيا – استراليا – الصين
اسعار التوصيل
اسعارهم ممتازة .. لكن خدمتهم للحين مايمدحونها .. ناس وناس
ومن مميزاتهم انهم يوصلون عطور :wink:

الرابع .. هي خدمه MyUS

وهو حساب يكون في امريكا

من مميزاته بعد التجميع .. فيه اكثر من فئه للتسجيل وعلى اساسها يتغير السعر

توصيلهم يكون عن طريق DHL او FEDEX

انا ماتعاملت معهم ولا سجلت فيه لكن شفت اسعار الشحن ” غويليه ” شوي :unsure:


الخامس والاخير .. مافي امل ينافس اذا استمر على اسعاره

 خدمه borderlinx

تكلمت عنها قبل في تدوينه سابقة اول مافتحوها

http://www.yasser9.com/2011/free-dhl/

اسعارهم مبالغ فيها جدا

هم تبع DHL لكن اسعار التوصيل جدا غاليه

كان المفروض منهم انهم يستغلون انتشار مكاتبهم حول العالم ويحطون الشحن بسعر ينافس !



الزبده من التدوينة : 

شوب اند شيب من ارامكس وبعده ورلد شيب 

بريد واصل كويس انك تشترك فيه .. يعطيك ميزه البريد العالمي .. ويكون سهل اذا جيت تحط عنوان بيتك اذا بغيت توصيل للسعودية مباشرة 

الباقي وخر عنهم :angel:


بكذا نكون خلصنا تقريبا اهم شئ لازم تجهزه عشان تبدا تتسوق من النت 


التدوينة الجايه بتكلم عن الطرق اللي تشتري فيها 

يعني مباشرة تحط رقم البطاقة ؟ ولا تسجل بالباي بال ؟ ولا تجرب خدمه Escrow ولا موني بوكر ولا اليرت بي ؟

كل هذا بجمعه واكتب بتدوينه وحده تكون التدوينة الجايه باذن الله

والتدوينة اللي بعدها بكتب تدوينه كيف تتأكد من موقع التسوق هو صدقي؟ ولا موقع تسوق نصب ؟

تابعوا جديد المدونه عن طريق الفيس بوك

http://www.facebook.com/pages/سواليف-ياسر/275813719107880

او عن طريق الاشتراك بخلاصات RSS

http://feeds.feedburner.com/yasser9/RAGo

او عن طريق الايميل

http://feedburner.google.com/fb/a/mailverify?uri=yasser9/RAGo

تدوينات سابقة

سواليف التسوق من النت

حجز الفنادق بافضل اسعار ممكنة مقارنه بين مواقع الحجز وشرح كامل ( بالصور )

بالبداية اعتذر الفترة الماضيه عن تقصيري في تحديث مدونتي لاني نقلت الاستضافه ( ان شاء الله قريب بتكلم عنها بتدوينه )  بالاضافه الى اني ماكنت املك وقت مناسب لان الترم

سواليف المواقع

( شرح بالصور ) طريقة نقل الدومين الى Name.com

  موقع Name.com من افضل المواقع لحجز الدومينات واسهلها اضافة الى ان اسعاره افضل من غيره .. قودادي مثلا بالنسبة لي اشوفه معقد وسعره اغلى منه قد كتبت شرح كيف

سواليف التسوق من النت

Philips Wake-up Light | للي يقوم من النوم عشان النور تصلح له – تجربه على ديك فيديو (YouTube)

httpv://www.youtube.com/watch?v=7fVG3tmnm2Y   بعض الناس يصحون من النوم الصبح على النور اذا فتحت الستارة وجا عليهم النور القوي يصحون كذا    شوفوا الفيديو وتعرفون بالضبط السالفة  التجربه كانت على ديك  سعره
سواليف التسوق من النت

التسوق من النت – خطوة بخطوة 3 – | طرق الدفع الامنه والافضل PayPal وغيره بالصور

تكلمت بالسابق  عن اساسيات التسوق بالتدوينتين السابقتين  بطاقة مسبقة الدفع هنا  وطريقه الشحن هنا اليوم اتكلم عن طرق الدفع لأي تعامل مع اي شخص بالنت كان موقع تسوق او اشخاص تشتري

سواليف التسوق من النت

السفر وحجوزات النت خطوة بخطوة احجز بنفسك [ ارخص واسهل الطرق -1- ]

في النت فرص كثيره وكبيرة ومفيده كثير .. تفيدك على الجانب الاقتصادي برحلتك .. تطيح لك مبلغ موب بسيط   

Discounts and Coupon codes

كود خصم 10% من متجر الكتب جملون لمدة 3 أيام فقط

كود خصم 10% من موقع بيع الكتب موقع جملون