السفر وحجوزات النت خطوة بخطوة احجز بنفسك [ ارخص واسهل الطرق -1- ]
14/05/2011 1033 Views

السفر وحجوزات النت خطوة بخطوة احجز بنفسك [ ارخص واسهل الطرق -1- ]


في النت فرص كثيره وكبيرة ومفيده كثير .. تفيدك على الجانب الاقتصادي برحلتك .. تطيح لك مبلغ موب بسيط 

 

للاسف ان اغلب المكاتب احيانا يحجزون لنا فنادق تكون اسعارها نار .. او اماكنها بايخه وماتستاهل السعر .. وايضا  الخطوط .. موب دايم تلقى الخطوط السعر المناسب 

انا لي اكثر من تجربه بالحجز على النت 

حجزت رحلة كاملة من الى بماليزيا لاهلي قبل سنتين 

قبل وقت الرحلة يمكن باسبوعين وطبعا كانت ارخص من المكاتب السياحيه 

وحجزت على دبي اكثر من 3 مرات .. ودبي لحالها يبي لها تدوينه كامله 

جربت حجز فرنسا وبريطانيا  – طيران بس 

حجزت فندق بلندن وكان له قصه مع خصم حوالي 800 ريال من السعر .. وكل هذا بكتبه ان شاء الله


أول خطأ تسويه انك تحجز قبل الوقت المحدد بفترة بسيطه وقريبه .. جرب تحجز قبل 3 شهور ونص .. شهرين .. وشف الفرق بالاسعار  

بالذات اسعار الطيران :wink:

بحاول اجمع افضل الطرق واشرحها 

وبقسم الموضوع الى اكثر من تدوينه .. تدوينه اليوم عن الحجز للبكج ( فندق وطيران سوا ):smile:

بسم الله نبدأ

اول شئ لازم يكون معنا بطاقة ائتمانية ( فيزا او ماستركارد  ) اذا ماكان عندك شف هالتدوينه بتفيدك 

هنا

هنا paypal تبي تستفيد منه في بعض المواقع 

:wink:ثاني نقطه .. تكون عندك بعض المعلومات عن الدول اللي تروح لها .. تحتاج لها فيزا ولا لا 

 

ينقسم شغلنا الى نوعين : 

1. فيه انك تحجزه كله كـ عرض كامل يشمل الطيران والفندق سوا

2. تحجز حبه حبه 

يعني تحجز الطيران .. وتخلص منه تبدا تدور الفندق .. وتحجز

نبي نبدأ بالجزء الاول ونشوف 

انا افضل بها النوع انك تقارنه مع عروض المكاتب السياحية

احيانا تلقى عروض كويسة وهذا شئ نادر 

واحيانا يكون العرض موش ولابد .. فلذلك جرب على كل الطريقتين وشف الانسب لك

عموما نبدا بموقع اكسبيديا المعروف الطيران والفنادق 


في هالمثال .. اخترت Flight+Hotel 

حطيت الرحلة من الرياض الى لندن 

التاريخ للتشك ان 8/8 

والتشك اوت 8/18

عدد الغرف 1 

بالغرفه فيها 2 اشخاص بالغين 

وسويت بحث 

طلع لي عروض مثل كذا 



المحدد باللون الاحمر 

سعر وكم صار فيه تخفيض 


المحدد باللون الاخضر هو الطيران وتاريخه وفيه توقف ولا لا .. وتقدر تغيره بالضغط على 

Choose a different flight

وتختار الطيران الاريح لك .. طبعا ممكن يتغير عليك السعر :wink:


تقدر ترتب العروض اللي تطلع لك بناء على السعر او على عروض الموقع والاقل تخفيضات او على الاختيار الاكثر من الزوار 

تختار من Sort by : وتحدد اللي تبيه انت 


كل المواقع الباقيه نفس الطريقه 

فيه موقع ebookers من افضل المواقع للحجز في بريطانيا 



فيه نقطه مهمه جدا /  اذا بغيت تحجز لاتاخذ بناء على السعر فقط .. عشان ماتاكلها :dizzy: على راسك 

اذا كانت الرحلة طويلة فوق 6 ساعات مثلا .. احرص :wink: على خطوط طيران ممتازة وسمعتها يعني تسمع عن وجباتهم كراسيهم ضيقه ولا لا وكذا

واما الفندق لازم تعرف مكانه والمنطقه اللي فيه .. منطقه قريبه او بعيده من اهم الاشياء اللي تحتاجها بالمدينه  ؟ كيف الفندق سمعته نظيف مش ولابد 

كيف اعرفها بالضبط ؟ .. بيجي الكلام بحجز الفنادق بالتدوينة بعد الجايه عن تقييم الناس للفنادق وكيف اعرف الفندق حليل ولا سئ 

=====

 اليوم فضلت تكون تدوينه خفيفه وبسيطه كمقدمة :blush:

التدوينه القادمة راح تكون عن الطيران 

واللي بعدها عن حجز الفنادق

والاخيره بتكون شرح مفصل لدبي :wub: .. افضل الاماكن والفنادق فيها 

تدوينات سابقة

سواليف التسوق من النت

حماية شاشة الجوال من المخوش

اشين شئ انه يكون جوالك شاشة لمس ويتمخش فمن هالمنطلق كان كل همي اشتري له شئ يحميه من هالامور .. خصوصا لاصار بمخباتك مع مفاتيح السيارة

سواليف التسوق من النت

هديه لاختي <3

قبل اسبوعين طلبت لاختي هديه وهذي اول مرة اشري هالنوع من الاشياء ..بكل صراحه    

سواليف التسوق من النت

الطلب المسبق لجهاز ون بلص ون اليوم – 17 نوفمبر

  الجهاز الرائع ون بلص ون اليوم يفتح الطلب المسبق - للطلب بالعاده لازم تاخذ دعوه من احد اللي اشتروا الجهاز الدعوات تكون عشوائية والان تقريبا الان كملت شهر من
سواليف التسوق من النت

التسوق من النت – خطوة بخطوة 2 – | الشحن الى السعودية ( مقارنة لوسائل الشحن المتوفره )

تكلمت بالتدوينة السابقة عن اول واهم خطوة للتسوق من النت هنا http://www.yasser9.com/2011/prepaidcard/ التدوينه هذي بتتكلم عن خمس طرق للتوصيل والشحن الى السعودية  

سواليف التسوق من النت

[ شرح ] تجديد بطاقة قنوات ابوظبي الرياضية عن طريق النت ب 439 ريال فقط

اول شئ فيه باقتين .. باقه عائلية ( خرابيط ماتنقل الا قناة واحده رياضية يمكن ومدري وش القنوات الباقية )  والباقة الذهبية ( اللي تنقل الدوري الانجليزي ) بالاضافة الى

سواليف التسوق من النت

البحث و الحجز للرحلات السياحية والسفر

وعدت بعض الاصدقاء اني بشرح لهم سلسلة عن كيف تبحث وتحجز لرحلات السفر والسياحة بنفسك