التسوق من النت – خطوة بخطوة 4 – | كيف تعرف ان هالموقع موثوق للتسوق ولا لا ؟
28/10/2011 731 Views

التسوق من النت – خطوة بخطوة 4 – | كيف تعرف ان هالموقع موثوق للتسوق ولا لا ؟

كتبت سلسلة تدوينات جديده عن التسوق من النت 

بديتها بالاساسيات وهي البطاقة الائتمانية والافضل تكون مسبقة الدفع بها التدوينه 

وبعدها تكلمت عن طرق الشحن والافضل والاسعار هنا 

وبعدها بدينا بطريقه الدفع مباشر بالبطاقة او عن طريق مواقع موثوقه زي paypal وطقته هنا

اليوم نبدا الشغل الصدقي .. وبتكلم عن موضوع مهم وهو كيف اننا نعرف هالموقع .. موثوق ولا لا ؟

فيه كثير مواقع نصب منتشره 

تستغل جهل الناس الجدد بموضوع التسوق من النت 

حتى لو كان حسابه باي بال .. يعرف انه نادر بيجون ويشكونه لانهم يمكن ماعرفوا انه ممكن تشتكي بائع اذا شريت منه باي بال 

زي ماتكلمت بالتدوينة السابقة 


نشوف بعض الاشياء اللي تعطيك الثقه بان الموقع صدقي :wink:

اول شئ عندنا الباي بال 

حط ببالك اذا دفعت بالباي بال  انه فيه طريقه تشتكيه لو نصب عليك وسحب عليك 

خلال 45 يوم تقريبا لازم تقدم الشكوى 

طريقتهم تقدم شكوى .. بعدها يرسلونه للشخص الثاني يرد على الشكوى وهكذا طبعا بتاخذ فترة على مابال تطلع الفلوس من عينه  :unsure:

فعشان تبعد عن هالموضوع والشيل والحط والقل احرص على بعض الامور اللي بذكرها بهالتدوينة


عندنا WOT

هذا موقع يقدم خدمه جميله تعتمد على تقييم الناس 

وفيه اداة تركبها بالمتصفح يبين لك تقييم الناس الموقع معروف ولا مش حالك 


وطبعا انت تقدر تقييم وتكتب تعليق عن تجربتك لازم تكون مسجل 

تدخل الموقع عادي بعدين تروح تحط رابط موقع التسوق اللي تبي تتأكد منه 

نروح لمكان البحث ونحط رابط الموقع 

شف مثال موقع امازون 

تلاحظ الصفحة يبين لك فيها الاخضر يعني كويس وكلما نزل للاحمر يعني هه موب مرة

وتشوف تعليقات والردود عليه

ازين شئ تكون مركب الاداة تبين لك كل موقع تزوره وشهو من لحية 

من هذا الرابط 

http://www.mywot.com/en/download

الجميل انه يدعم اهم برامج التصفح 

ذا فيديو من موقعهم

 

 

طبعا هذا موب قرار اكيد ان الموقع ثقه .. لكنه يعطيك تلميح لانه بالاخير تقييم ناس اي شخص يسجل يقيم الموقع 

اذا كان الموقع جديد ماتقدر تعتمد على تقييم هالموقع يمكن ماله تقييم خير شر :tongue:

انتبه لبعض النقاط التالية :


تأكد – خصوصا اذا طلبت وصرت حول الدفع – انه يستخدم تشفير SSL 

وتشوف الرابط بعد http فيه حرف s 

:wink:

اذا وصلت للدفع ومالقيت ذا قفل الموقع وقل انقلع :tongue:



القراشيع ذولي اذا شفتها لازم تنضغط يعني بعضهم يحطها شكل .. لازم تقدر تضغط عليها وتحولك لموقع ثاني اللي هو حق الشهاده انه هالموقع محمي موقع موثوق وهيك 

عن نفسي منب مرة اناظر لهن كثير لكن اذا شفتها لازم اضغط واتاكد انه موب حاطها شكل :silly:



اسأل الشيخ قوقل :wub:

حط رابط او اسم الموقع وابحث بقوقل تلقى ناس قد تكلمت عنه بمنتديات بتويتر بمدونات او حتى بالفيس بوك .. بيعطيك امان اكبر ان الموقع سبق التعامل معه يعطيك معلومات اكثر 



Alexa وهو ترتيب المواقع 

اذا شفت ترتيبه عالي يعني من 10 الاف وتحت 

طبعا كلما كان من 5 الاف وتحت كان اقرب للثقه اكثر

اعرف  ان الموقع  والله يجيه ناس 

لكن هذا الخيار لايعتمد  بتاتا عليه

اليكسا ممكن تدخل تحط رابط وتشيك منه او تحمل اضافه من هنا

http://www.alexa.com/toolbar?utm_source=top-nav&utm_medium=www&utm_campaign=toolbar




هذا اللي يحضرني  واتمنى تستفيدون من التدوينه :wub:

بخصوص موقع المزادات العالمي eBay 

كتبت عنه تدوينه وفصلت فيه هنا


اما الموقع المعروف والموثوق Amazon 

كتبت وشرحت طريقه الطلب منه هنا

 

 


 

:cool:

 

* نصيحتي لك اذا بغيت اقل سعر شف بامازون وقارنه باي بي طبعا انتبه للبائع الموثوق وتوكل على الله  

هذي بعض التدوينات : 


تجربتي مع طلب ايبود وشرح مصور هنا 



تجربتي في شراء بطاقات بلاي ستيشن نتورك ( الموقع يبيع بطاقات ايتونز وبطاقات xbox360 )

هنا


وفيه زياده خوذوا لفه بقسم التسوق من النت وان شاء الله تستفيدون من تجاربي وتدويناتي فيه 


 

تابعوا جديد المدونه عن طريق الفيس بوك 

 

http://www.facebook.com/pages/سواليف-ياسر/275813719107880

او عن طريق الاشتراك بخلاصات RSS

http://feeds.feedburner.com/yasser9/RAGo

سجل ايميلك بالقائمة البريدية ويوصلك جديد المدونة  

http://feedburner.google.com/fb/a/mailverify?uri=yasser9/RAGo

تدوينات سابقة

سواليف التسوق من النت

موقع isitgoodprice.com لمقارنة الاسعار بين Amazon و eBay

بما اننا في فترة التخفيضات والبلاك فرايدي اللي بعد يومين والعروض اللي تنزل في هالفترة هالموقع مهم للتحقق من بعض عروض المنتجات قد تجدها بامازون مغرية ولكن موجوده باقل في

سواليف التسوق من النت

حجز الفنادق بافضل اسعار ممكنة مقارنه بين مواقع الحجز وشرح كامل ( بالصور )

بالبداية اعتذر الفترة الماضيه عن تقصيري في تحديث مدونتي لاني نقلت الاستضافه ( ان شاء الله قريب بتكلم عنها بتدوينه )  بالاضافه الى اني ماكنت املك وقت مناسب لان الترم

سواليف التسوق من النت

كيف تعرف المقاس المناسب لك ؟ وكيف تحوّل بين المقاسات؟+افضل المواقع للشراء

  كثير ماكنت اشوف عروض وماركات ممتازة للجزم – وانتم بكرامه – لكن يوقفني مسالة المقاس اللي اعرفه ان المقاسات تختلف بامريكا عن الصين عن بريطانيا وعن اوروبا الحل وانت

سواليف التسوق من النت

[ شرح ] كيف تعرف المنتجات التي تقبل الشحن الدولي في موقع امازون

بكل بساطة من الخيارات بالجهة اليسار اختر هذا الخيار طبعا موب على كل حال الشحن من امازون مباشرة اليك يكون ارخص .. لكن احيانا يكون ارخص واكيد اسرع

سواليف عامة

البحث و الحجز للرحلات السياحية والسفر|| اختيار طريقة السفر للرحلات والحجز

اول تدوينة لموضوع الرحلات والسفر بتكون عن موضوع اختيار طريقة السفر ( طيارة باص قطار سيارة ) وكيف تعرف وش الافضل او تشوف وش الخيارات المتاحة لك

iPad

للايباد والايفون | برنامج جديد Shop and ship من ARAMEX

  برنامج جديد وممتاز صراحه لكل شخص يتعامل مع ارامكس وخدمة شوب اند شيب للتسوق من الانترنت