ايميل Gmail يعتبر الافضل حاليا 

بالذات من ناحية الامان 

 

اليوم بشرح طريقة تفعيل خدمه عملية التحقق بخطوتين 

بعد ماتدخل الرقم السري لايميلك بيرسل رساله لجوالك فيها كود تفعيلعشان تشوف الايميل 

تسويها مرة كل 30 يوم على جهازك .. واي جهاز غريب كل مرة تدخل تسويها

وعلى الجوالات مرة واحده برقم سري مختلف 

بسم الله نبدا 

  اول ماتدخل ايميلك اضغط زي بالصورة 

بعدها اختر الامان

 بعدها نختار تعدل عند التحقق بخطوتين

 

اضغط على بدء الإعداد 

تختار الطريقة اللي تبي فيها التفعيل تجيك .. تختار رسالة او مكالمة اليه 

اذا اخترت رسالة مثلا 

 

اذا جتك الرسالة بتجيك كذا بالجوال

 

اما اذا ماجتك الرسالة – واحيانا تصير ماتوصل الرسالة – اضغط على عبارة "الم تحصل على الرمز ؟ " وبيرجع لك للخطوة هذي تختار التفعيل بالمكالمة 

 

اختر مكالمة صوتيه وبعدها بيتصل عليك سواء كان رقم غريب او بدون رقم اذا رديت بتلقاه الي ينقلك 6 ارقام ويعيدها مرة ثانيه لازم تكون منتبه له

 

بعد ماتحط الكود -تأكد انه 6 ارقام ! – تكمل 

 

 اذا كان جهاز الكمبيوتر حقك .. حط صح وكمل

 

خلاص هنا اخر خطوة وبعدها تاكيد 

وبيطلع ويخليك تسجل دخول من جديد .. سجل دخولك بيجيك كذا

اذا كنت تفتح ايميلك على الجوال

( ايفون او اي جهاز اندرويد  او بلاك بيري ) 

اضغط على إنشاء كلمات مرور

حط اي اسم تبيه عنوان 

بعدها بيقوم هو ويصلح لك كلمة سر عشوائيه كذا تجيك

حط ببالك انها ماراح تطلع مره ثانيه .. الشئ الثاني المسافات لاتكتبها بس كذا حاطينها عشان ماتلخبط بين الحروف

في حال تبي تلغي الرقم السري هذا تضغط على الغاء جنبه 

 

هنا فيديو من قوقل يتكلم عن سالفة الرقم السري الخاص للايميل من الجوال

 

httpv://www.youtube.com/watch?v=zMabEyrtPRg&t=2m13s

وفي حال ماسويت الرقم السري .. تقدر تسويه في اي وقت تجيك رسالة بالايميل زي كذا 

تفتحها الرسالة كذا 

 

 

——–

وانتهى الشرح 

اي سؤال استفسار ؟

تويتر @YASSEROVIC

صفحة الفيس بوك http://www.facebook.com/wwwyasser9