تجربتي في حل بطئ الانترنت مع STC 4G – بطريقتين
28/10/2014 38324 Views

تجربتي في حل بطئ الانترنت مع STC 4G – بطريقتين

قبل كم يوم كتبت هذه الطريقة ( البعض نفعت معه ومشت تمام ) هنا 

اليوم بكتب تدوينه طويلة فيحتاج تروق عليها وتقراها كامله وهي تجربتي مع البطئ وحله اللي نفع معي .

التدوينة كتبتها على مرتين بعد    الحل التالي واجهت مرة ثانيه بطئ ( رغم ان الشريحه جديدة ماكملت يوم ) ولقيت حل أخير ونفع معي وجربته على كل الشريحتين اللي عندي ( القديمة والجديدة ) والفرق كان واضح جدا

كانت تمشي معي طريقة الغاء تفعيل 4g وارجع أفعلها .. لكن بعد فترة صارت ماتفرق ابد !

قلت يمكن المشكلة من الشريحه .. فعلا فيه فرق يوم ركبت شريحه ثانيه لصديقي على نفس المودم وبنفس المكان .. الفرق بالسرعه كان واضح جدا

ومع اني تعبت وانا اكلم STC بتويتر @STCcare  نفس كلامهم يعاد كل يوم ( اعطنا الاسم ورقم الشريحه وعنوانك .. الخ ) ومن بكرة نفس الكلام نرجع نعيده

الحل الاخير كان شراء شريحة نت جديدة

بالبداية كنت من مشتركين العرض ( 14 شهر ب 1400 ريال مع مودم مجاني انترنت غير محدود )

للاسف يوم بقى شهر تقريبا بدت سرعه النت تجيب المرض ( انترنت 4G وسرعه ماتوصل 2 ميقا واحيانا 1 ميقا ! )

عموما هنا الفرق

هنا في افضل حالاته الفترة الاخيرة ( اخذت افضل سرعتين)

slow4g

لاحظ ال PING ايضا

وهنا بعد ماركبت الشريحه الجديدة ( تجربتين على سيرفرين مختلفين )

slow2slow4g2

اللي صار معي اني امس حملت 12 قيقا وبعدها النت صار ماش ورجعنا على سرعه 1 و 2 ميقا

 اليوم رجع النت ( على الشريحه الجديدة ) لسرعه بطيئة و ping عالي بشكل محبط  ( وكنك يبو زيد ماغزيت )

فلجأت لهالحل وجربته وضبط وفرق مع كل الشريحتين الجديدة والقديمة

ملاحظه هامه جدا جدا جدا جدا

المودم بالشكل هذا

quicknet-router-4g1

يوجد منه نوعين .. النوع الاول ( القديم بالاسم هذا E5172 او E5172-920 ) ويقبل تردد واحد فقط 2300

بينما الثاني “المطور” وبالاسم هذا E5172-927 ويقبل الترددات 2300 و 1800

ل STC ترددين 2300 و 1800

زين عندهم تردد واحد 1800 فقط

موبايلي عندهم ترددين 2600 و 1800

حسب مافهمت ان شركات الاتصالات بعد ماتتعاقد مع شركات المنتجه للمودم مثل Huawei وغيرها تركب عليه نظام معدل بحيث مايقبل الا شرايحهم + يمكن تعديل بحيث يبطئ السرعه في حال حملت كمية معينه او في اوقات الذروة يبطئ النت .. الخ

قلت بجرب افك التشفير يمكن المشكلة من المودم نفسه

زي ماقلت قبل لازم تتأكد ان المودم نفسه لان لو ركبت التحديث على مودم غيره بيخرب المودم ( انتبه ! )

اولا كيف تعرف نوع مودمك ؟

ادخل على صفحة المودم

192.168.1.1

اليوزر والباسورد | admin

تحت Home اضغط على product information

fix1

لاحظ موديل المودم

( شعار هواوي صار بدال STC عندي لاني سويت الشرح بعد ماركبت التحديث )

اذا نفس هذا الموديل عندك ممكن تركب هذا التحديث رابط  ملف مضغوط حجمه 39 ميقا تقريبا

فك الضغط عنه فيه ملف واحد بس

نقطتين لازم تنتبه لها :

1- فك الشريحه من المودم .

2- ركب سلك من المودم الى اللاب توب او الكمبيوتر قبل ماتبدا

طبعا بعدها تفتح صفحة المودم وتروح الى Home وبعدها update

fix2

واختر ملف التحديث

بعدها اضفط على Update وانتظر

مهم جدا ان الكهرب ماينفل او تقفله اثناء التحديث .. اتركه ياخذ راحته لين ينتهي اذا انتهي بيطلع لك كلام انه انتهى وبعد ماتضغط عليه بيفتح لك صفحة المودم بشعار هواوي

fix3

وبعدها ارجع ركب شريحه البيانات وان شاء الله تضبط معك

تدوينات سابقة

سواليف تقنيّة

فك تشفير مودم زين 4G وحل مشكلة البطئ بالتحميل

قبل اكثر من سنه كنت اواجه مشكلة باستخدام انترنت STC وسويت كل الحلول الممكنة وللاسف كل فترة يكون الانترنت اسوء . جربت انترنت من شركة زين بحكم انهم غيروا سياسيتهم

سواليف تقنيّة

Axis | متصفح جديد من Yahoo!

  شركة ياهو اطلقت متصفحها ( طبعا تبطي تنافس مكروم متصفح قوقل ) 

ويندوز

شرح تغيير مستطيل البحث بويندوز 10 الى ايقونة او اخفائه

ببدأ اكتب تدوينات عن ويندوز .. برامج او بعض الشروحات و tips ونصائح بسيطة ومفيدة باذن الله في قسم ويندوز  وببدأ بمستطيل البحث اللي تقدر تحطه ايقونه فقط او تخفيه

سواليف تقنيّة

تلفزيون بدون اسلاك

هذا التلفاز لا يحتوي ولا يتطلب أي أسلاك لتشغيله. !  

Galaxy S II - جالكسي اس 2

كيف تربط الاسماء بالجي ميل ؟ وتنقلها الى جالكسي اس 2؟ وكيف تنقل ارقام الفيس بوك ؟

تكلمت بالتدوينه السابقه هنا عن الجالكسي اس2 هنا وكانت مشكلتين بس عندي .. المشكلة الثانيه هي نقل الاسماء بشرح هنا طريقه .. بتغنيك عن التعلق بجوالك حتى لو ضاع لو

سواليف المواقع

[ شرح بالصور ] تحويل تورنت الى رابط مباشر وتحميل باقصى سرعه عن طريق Real-Debrid

موقع Real-deprid اللي سبق كتبت عنه قبل اكثر من سنه تقريبا هنا  فيه ميزة جديده رهيبه