قبل كم يوم كتبت هذه الطريقة ( البعض نفعت معه ومشت تمام ) هنا 

اليوم بكتب تدوينه طويلة فيحتاج تروق عليها وتقراها كامله وهي تجربتي مع البطئ وحله اللي نفع معي .

التدوينة كتبتها على مرتين بعد    الحل التالي واجهت مرة ثانيه بطئ ( رغم ان الشريحه جديدة ماكملت يوم ) ولقيت حل أخير ونفع معي وجربته على كل الشريحتين اللي عندي ( القديمة والجديدة ) والفرق كان واضح جدا

كانت تمشي معي طريقة الغاء تفعيل 4g وارجع أفعلها .. لكن بعد فترة صارت ماتفرق ابد !

قلت يمكن المشكلة من الشريحه .. فعلا فيه فرق يوم ركبت شريحه ثانيه لصديقي على نفس المودم وبنفس المكان .. الفرق بالسرعه كان واضح جدا

ومع اني تعبت وانا اكلم STC بتويتر @STCcare  نفس كلامهم يعاد كل يوم ( اعطنا الاسم ورقم الشريحه وعنوانك .. الخ ) ومن بكرة نفس الكلام نرجع نعيده

الحل الاخير كان شراء شريحة نت جديدة

بالبداية كنت من مشتركين العرض ( 14 شهر ب 1400 ريال مع مودم مجاني انترنت غير محدود )

للاسف يوم بقى شهر تقريبا بدت سرعه النت تجيب المرض ( انترنت 4G وسرعه ماتوصل 2 ميقا واحيانا 1 ميقا ! )

عموما هنا الفرق

هنا في افضل حالاته الفترة الاخيرة ( اخذت افضل سرعتين)

slow4g

لاحظ ال PING ايضا

وهنا بعد ماركبت الشريحه الجديدة ( تجربتين على سيرفرين مختلفين )

slow2slow4g2

اللي صار معي اني امس حملت 12 قيقا وبعدها النت صار ماش ورجعنا على سرعه 1 و 2 ميقا

 اليوم رجع النت ( على الشريحه الجديدة ) لسرعه بطيئة و ping عالي بشكل محبط  ( وكنك يبو زيد ماغزيت )

فلجأت لهالحل وجربته وضبط وفرق مع كل الشريحتين الجديدة والقديمة

ملاحظه هامه جدا جدا جدا جدا

المودم بالشكل هذا

quicknet-router-4g1

يوجد منه نوعين .. النوع الاول ( القديم بالاسم هذا E5172 او E5172-920 ) ويقبل تردد واحد فقط 2300

بينما الثاني “المطور” وبالاسم هذا E5172-927 ويقبل الترددات 2300 و 1800

ل STC ترددين 2300 و 1800

زين عندهم تردد واحد 1800 فقط

موبايلي عندهم ترددين 2600 و 1800

حسب مافهمت ان شركات الاتصالات بعد ماتتعاقد مع شركات المنتجه للمودم مثل Huawei وغيرها تركب عليه نظام معدل بحيث مايقبل الا شرايحهم + يمكن تعديل بحيث يبطئ السرعه في حال حملت كمية معينه او في اوقات الذروة يبطئ النت .. الخ

قلت بجرب افك التشفير يمكن المشكلة من المودم نفسه

زي ماقلت قبل لازم تتأكد ان المودم نفسه لان لو ركبت التحديث على مودم غيره بيخرب المودم ( انتبه ! )

اولا كيف تعرف نوع مودمك ؟

ادخل على صفحة المودم

192.168.1.1

اليوزر والباسورد | admin

تحت Home اضغط على product information

fix1

لاحظ موديل المودم

( شعار هواوي صار بدال STC عندي لاني سويت الشرح بعد ماركبت التحديث )

اذا نفس هذا الموديل عندك ممكن تركب هذا التحديث رابط  ملف مضغوط حجمه 39 ميقا تقريبا

فك الضغط عنه فيه ملف واحد بس

نقطتين لازم تنتبه لها :

1- فك الشريحه من المودم .

2- ركب سلك من المودم الى اللاب توب او الكمبيوتر قبل ماتبدا

طبعا بعدها تفتح صفحة المودم وتروح الى Home وبعدها update

fix2

واختر ملف التحديث

بعدها اضفط على Update وانتظر

مهم جدا ان الكهرب ماينفل او تقفله اثناء التحديث .. اتركه ياخذ راحته لين ينتهي اذا انتهي بيطلع لك كلام انه انتهى وبعد ماتضغط عليه بيفتح لك صفحة المودم بشعار هواوي

fix3

وبعدها ارجع ركب شريحه البيانات وان شاء الله تضبط معك

4 CommentsClose Comments

4 Comments

  • عز الدين
    Posted 12/12/2014 at 3:36 مساءً 0Likes

    لو سمحت انا عندي الموديل

    E5172s-927
    هل يفرق عن اللي عندك ولا عادي اقدر انزل عليه التحديث ؟؟
    الفرق بس في رقم 7 في الاخير

  • ali
    Posted 18/12/2014 at 6:40 مساءً 0Likes

    السلام عليكم..
    حملت التحديث لكنه رفض , يقول فشل في التحقق من الملف, و تحت مكتوب ان المتوفر حاليًا هو آخر اصدار!

  • Posted 22/12/2014 at 12:09 صباحًا 0Likes

    @ عز الدين : لا طبعا يفرق وانتبه لاتنزل هذا !

  • Posted 22/12/2014 at 12:09 صباحًا 0Likes

    علي : وعليكم السلام .. انت متأكد من نوع مودمك انه 920 ؟

Comments are closed.