طبعا اغلب المنتجات ماتقدر تشحنها مباشره للسعودية فتضطر تشحنها لبريد لك بامريكا ومن هناك تطلب شحنها للسعودية وعشان كذا يحسبون عليك ضريبه
قبل 3 سنوات تكلمت عن شركات الشحن من امريكا والبريد باسمك بامريكا هنا
انا حاليا استخدم خدمات MYUS.com للشحن
لان لها خيارات الشحن ( بين 3 شركات Fedex او DHL او UPS ) وتبيها خلال 3 ايام او الى 10 ايام . اضافه الى اهم ميزه وهي التجميع بصندوقك لمده 30 يوم مجانيه
نرجع الى ضرائب امازون
اذا جيت تشتري تحصل احيانا دولار اكثر او اقل في بعضا لاحيان مبلغ بسيط
لكن اذا جمعته مع الوقت يطلع لك مبلغ كويس
انا جمع اخر طلبياتي لع التاكس تقريبا 32$
كيف تسترجعه طيب ؟
اولا لازم يكون عندك صورة للتتبع من شركه الشحن انها وصلت مثلا الرياض
ثانيا عندك رقم الطلب
اللي سويته اني ارسلت ايميل لهم وقلت اني اتعامل مع شركه MYUS وهي تشحن للرياض
وارسلت رقم الطلب بامازون + مبلغ التاكس + صورة الطلبات المرسلة من MYUS + رقم بوليصه الشحن من فيديكس او دي اتش ال وصورة التتبع
سويتها بملف word وحفظتها لهم بصيغه PDF هنا شرح تحويل ملف وورد الى PDF
وارسلتها لايميل التاكس اللي هو هذا tax-exempt@amazon.com
ويسترجعون لك المبلغ على البطاقة اللي شريت فيها
بعد ماترسلهم بساعات قليله يجيك الرد
اذا كنت تستخدم MYUS كذا تطلع رقم بوليصه الشحن وورقه الشحن من موقعهم
بعدها بتطلع لك نفس هالصورة
اضغط على سعر الشحن وبيفتح لك كذا
اضغط على نفس اللي بالصورة وبيفتح لك هالصفحة
احفظ الصفحة هذي خذ لها برنت وحطها بملف الpdf اللي بترسله لهم
