شرح الشراء من الموقع الالماني computeruniverse والشحن مباشر للسعودية
17/11/2015 1909 Views

شرح الشراء من الموقع الالماني computeruniverse والشحن مباشر للسعودية

موقع computeruniverse.net موقع ممتاز بقطع الكمبيوتر بالذات.

 

لان اسعاره ويوفر كل اللي تبيه افضل من حتى حراج الكمبيوتر اللي بالعليا

تجربتي كانت تجميع قطع لكمبيوتر قبل 7 شهور تقريبا

وقبل اسبوعين بحثت عن شاشة ولقيت اسعارها بمحلات الكمبيوتر بالعليا ماتنزل عن 1450 ولاحظت فيه فرق تقريبا 450 ريال بينهم وبين الموقع فلذلك طلبته اون لاين

الشحن اخذ معي اسبوع تقريبا

ملاحظة !

يفضل انك تكون مسجل بريد واصل بالبريد السعودي ( اللي الان صار الزامي )

وتفعل خدمة التسليم بالختم الالكتروني ب 90 ريال سنويا اعتقد .

يفضل انك تسجل بالموقع قبل تبدأ تطلب عشان تمشي معي بالشرح والطريقة تصير نفسها

بسم الله نبدأ

هذا رابط الموقع computeruniverse

comp1

اول ماتدخله لاتنصدم لانه باللغه الالمانية

بكل بساطة غير للانجليزي

 

comp2

 

وبعدها تصفح الموقع واضف اللي تبيه لسلة الشراء

comp3

مثلا هنا اضفنا هاللاب توب اذا خلصت وبتشتري كل الاغراض اضغط على Proceed to cart

 

 

ملاحظة ! 

انتبه موب كل الاغراض متوفرة وجاهزة للشحن اقرأ اللي مكتوب تحت المنتج .

فيه شئ جاهز للشحن ومتوفر .. وفيه شئ يحتاج يوم يومين .. وفيه شئ يحتاج حتى اسبوع او اكثر

comp4

مثلا هذي سلة الشراء وصرت جاهز للطلب

انا دايم انصح الدفع يكون PayPal عشان لو صار مشكلة بالطلب تقدر تطالب بحقك عند باي بال ويرجعونه .. ( لاحظ عشان تختار باي بال تدفع زيادة 13 يورو تقريبا ) والكردت كارد اقل تقريبا 9 يورو .

هنا تدوينه قديمة عن طرق الدفع الامنة و باي بال كتبتها قبل 4 سنوات 

شطحة :

كيف تاخذ كوبون 5 يورو؟

اضغط برسمة اليد فوق يمين وسجل ايميلك وبيجيك تفعيل بالايميل وبعدها يرسلون لك كود تخفيض

والكوبون بنفص صفحة سلة الشراء اضغط على

comp5

واكتب الكوبون وفعله

comp6

اتوقع الكوبون يتفعل مرة واحده فقط يعني مايصلح تجي تطلب مرة ثانية بنفس الكوبون

comp7

بعدها تأكد من معلوماتك للشحن

الجزء السفلي اذا تبي تحدد موعد للاستلام مثلا تقولهم لاتشحنونه قبل تاريخ معين حتى تاريخ معين لك 60 يوم كحد اقصى ( وهذا الشئ اختياري طبعا )

ونضغط على Next step ونروح لاخر خطوة قبل الدفع .. تأكد انه كل معلوماتك صحيحة والكمية والمنتجات اللي تبيها

comp8

وبعدها خلاص اضغط على Order with obligation to pay عشان يحولك على باي بال وتكمل الدفع

comp9

comp10

دخل اليوزر والباسورد بحسابك بباي بال وادفع

comp11

بعدها بيجيك ايميل تأكيد الدفع وفيه رابط اضغط عليه وهناك تتابع وين شحنتك

comp12

أول الايام بتلاحظ مكتوب باول الجدول جنب UPU code .. مكتوب not assigned yet .. من هنا يكتبون الكود حق متابعة الشحنه عند شركة الشحن

 

بعد كم يوم بتلاحظ انهم عطوها شركة الشحن comp13

انسخ الكود وادخل الموقع حق البريد السعودي وحط كود الشحن

http://www.sp.com.sa/English/Eservices/Pages/TrackandTrace.aspx?ShippingMethod=1&DetailedControl=

 

comp14

 

وانتظر كم يوم وبعدها تواصل مع البريد السعودي عشان تتأكد وين وصلت

 

SaudiPOST
ملاحظة :
– رقم البريد السعودي المجاني 920005700
– حساب خدمة العملاء بتويتر يتفاعل بشكل جميل ويرد خلال فترة بسيطة هذا حسابهم
@SaudiPost_care
بالنسبة لي اول ماوصلت الرياض كانت بالفرع المركزي ومن بكرة الظهر وصلوها لي عن طريق ناقل اكسبريس

 

تدوينات سابقة

سواليف التسوق من النت

حماية شاشة الجوال من المخوش

اشين شئ انه يكون جوالك شاشة لمس ويتمخش فمن هالمنطلق كان كل همي اشتري له شئ يحميه من هالامور .. خصوصا لاصار بمخباتك مع مفاتيح السيارة

سواليف التسوق من النت

كوبون اشتراك شوب اند شيب بدولار واحد فقط

بداية تسوقي بالانترنت 2008 كنت استخدم خدمة Shopandship لكن بعدين اخترت استمر مع MyUS لانهم يوفرون خدمه تجميع الطلبات واختيار شركة الشحن اللي تناسبني عكس شوب اند شيب من ارامكس

سواليف التسوق من النت

شرح كيف تسترجع مبلغ الضرائب من امازون

طبعا اغلب المنتجات ماتقدر تشحنها مباشره للسعودية فتضطر تشحنها لبريد لك بامريكا ومن هناك تطلب شحنها للسعودية  وعشان كذا يحسبون عليك ضريبه

سواليف التسوق من النت

كيف تعرف المقاس المناسب لك ؟ وكيف تحوّل بين المقاسات؟+افضل المواقع للشراء

  كثير ماكنت اشوف عروض وماركات ممتازة للجزم – وانتم بكرامه – لكن يوقفني مسالة المقاس اللي اعرفه ان المقاسات تختلف بامريكا عن الصين عن بريطانيا وعن اوروبا الحل وانت

سواليف التسوق من النت

تجربه شراء PlayStation Network card من موقع Pc Game Supply ايضا يوفر بطاقات iTunes و Xbox360

سألني واحد من الشباب عن بطاقات بلايستشين وكم سعره بالنت .. هي ارخص ولا ازين له من المحلات  يقولي بطاقة 20 $ يحسبونها بالمحلات بـ 105 ريال تقريبا  #Salamat   

سواليف التسوق من النت

9.7” black case for Apple iPad

وصلني قبل اسبوع تقريبا