البحث و الحجز للرحلات السياحية والسفر|| اختيار طريقة السفر للرحلات والحجز
06/07/2015 19969 Views

البحث و الحجز للرحلات السياحية والسفر|| اختيار طريقة السفر للرحلات والحجز

اول تدوينة لموضوع الرحلات والسفر بتكون عن موضوع اختيار طريقة السفر ( طيارة باص قطار سيارة ) وكيف تعرف وش الافضل او تشوف وش الخيارات المتاحة لك

عندنا موقع رائع جدا اسمه Rome2Rio.com

r2rr

هذا لازم اول شئ تبدأ فيه اذا كنت مقرر وين تروح ادخل الموقع ذا واختر المدينة اللي بتروح لها .. خلنا نمشي سوا ونجرب

r2r

اخترنا مثلا مدينة ” جنك ” من بلجيكا

كتبنا رحلتنا بتكون من الرياض الى جنك ببلجيكا وش الخيارات اللي عندنا ؟

نشوف هنا الواجههة وابسطها لكم بعد شوي

r2r2
* اضغط على الصورة عشان تشوفها بشكلها الطبيعي *

– عندنا اللي حطيت له اسهم يسار 6 خيارات للسفر ( الاسعار تقريبيه لاني ماحطيت تاريخ )

المفروض اول شئ تسويه تحدد التاريخ من فوق وبعدها بيطلع لك الاسعار الموجوده

خلونا نمسك الخيارات ونشوفها

r2r3

شف اول خيار تاخذ طيارة من الرياض الى بروكسل وبعدها تاخذ قطار

ثاني خيار مثلا تسافر من الرياض الى لييق وبعدها تاخذ قطار

وهكذا باقي الخيارات

هنا مثال ثاني لمدينه ثانية مثلا اخترنا من الرياض الى جنوا في ايطاليا

r2r4

شف الخيارات اللي اعطاك فيه شئ بالطيارة مباشرة وبعدها تاخذ قطار وبعدها باص

المميز ايضا انه يعطيك الاسعار بعضها تقريبي وبعضها يحدثه لك اذا اخترت التاريخ .. يعني اضغط على القطار يوريك كم وموقعهم اذا فيه حجز عن طريقهم بالموقع وهكذا

ايضا فيه ميزه حلوة لو انت بتروح لاكثر من مدينة تقدر تحط خط رحلتك

اضغط على علامة +

r2r5

وبعدها اكتب اسم المدينة

انا مثلا كتبت الرحلة بتكون الى جنوا في ايطاليا وبعدها الى فيينا في النمسا

r2r6

اضغط على الرحلة الاولى بيفتح لك الخيارات لها

وبعدها اضغط على الرحلة الثانية ويطلع لك الخيارات

مثلا رحلة من جينوا ايطاليا الى فيينا بالنمسا شف الخيارات المتاحة لك والاسعار التقريبيه

r2r7

شف هنا الخيارات تقريبا كل شي ممكن

تبي بالسيارة فقط .. بتاخذ معك 10 ساعات

تبي بالباص وهو الارخص بيكلف حدود 95 دولار لكن ياخذ 15 ساعه

القطار او حتى الطيران

هنا مثلا لو تبغى تعرف اكثر عن رحلة قطار اضغط عليها ويفتح لك بعض التفاصيل مثل هذي

r2r8

باختصار مثل هالموقع ممكن يعطيك افكار وخيارات اكثر واكيد بتكون اقل من انك تختار بشكل مباشر

تدوينات سابقة

سواليف المواقع

كيف تعرف البنزين المناسب لسيارتك باسهل طريقة عن طريق ارامكو

ارامكو سوت موقع بسيط بالانجليزي والعربي تحط فيه نوع سيارتك وموديلها ويعلمك اذا البنزين اللي تختاره صحيح او لا . لان فيه كثيرين يستخدمون بنزين مب مخصص لسيارتهم بدون فايدة

YouTube

[ يوتيوب ] خواطر 8 – عن قوقل ( واحد ومائة صفر )

حلقة خواطر اليوم 8 رمضان عن قوقل

سواليف المواقع

اسهل واسرع طريقة لتركيب احصائية زوار لموقعك او مدونتك

اذا عندك موقع او مدونة مثلا او صفحة معينه وتبي تشوف عداد الزوار بشكل له بشكل مباشر وبسرعه تبي تضيفه

سواليف التسوق من النت

كيف تتسوق في موقع AMAZON وتطلب منه ؟ بالصور (من-الى )

سبق ان كتبت عن طريقة الشراء من اكثر موقع .. ولي فترة ماشرحت شئ حسيت اني مقصر بهالموضوع  هنا تكلمت عن الشراء من موقع eBay  وهنا بعض التجارب لي بالشراء

سواليف عامة

MSN بشعار جديد

  موقع MSN ناوي ينزل شعار جديد