كثير يسأل وش احسن لاب توب وش اختار كمبيوتر محمول .
بستعرض لكم اهم النصائح اللي لازم تعرفها وبناء عليها تختار اللاب توب بنفسك وتعرف وش اللي يصلح لك
الاجهزة المحولة لها انواع كثيرة ومميزات كثيرة واحجام مختلفة تحتاج تعرف هالمعلومات وبعدها بتعرف بنفسك وش الافضل
- اختيار النظام :
اغلب الاجهزة تجينا بنظام ويندوز ولكن عندنا انظمه ثانية مثلا Mac لاجهزة ابل مثل ابل ماك بوك برو Macbook pro او macbook air
معروف طبعا نظام الويندوز .. آخر نسخه لويندوز نزلت هي ويندوز10 ونزل بشكل رسمي في منتصف 2015
نظام OS X لاجهزة ابل اخر نسخه نزلت هي الكابتن OS X 10.11 “El Capitan” نزلت في سبتمبر الماضي
وعندنا النظام الجديد Chrome OS اللي يتبع لقوقل ومخصص للاستخدام البسيط واجهزة Notebook اعلنت عنه قوقل في 2009 وبدت بعض الشركات تحطه على اجهزه لها مثل hp و asus acer وغيرها وتبدأ اسعاره من 85$
2. 2-1 لابتوب وجهاز تابلت :
هذا تصنيف الحين بسوق اللابتوبات اللي هو يجمع بين الكمبيوتر اللوحي ( زي الايباد مثلا ) و بين اللاب توب . يعني فيه قابليه للمس على الشاشة وممكن تشيله بدون كيبورد وتركب الكيبورد , عادة هذي الاجهزة تكون للتصفح وليست مخصصه للتصميم او التعديل .
يصلح للي يتنقل ويحتاج معه لاب توب بشكل دائم
3. اختيار حجم الشاشة المناسب :
عادة الاحجام تجي بالشكل التالي :
- 11-12 انش عادة تكون اجهزة صغيره ونحيفه حقت تصفح .
- 13-14 انش اذا كنت تبحث عن لاب توب حجمه صغير اقل من 4 باوند ( اقل من كيلوين )
- 15 انش هو اشهر واكثر حجم مرغوب يجي وزنه بين 4.5 الى 6.5 باوند
- 17 انش اذا كنت من الناس اللي ماتتنقل كثير باللاب توب هالحجم هو المناسب وعاده يكون لاصحاب الالعاب والشغل الجامد والتصميم
4. الكيبورد والماوس :
المساحة بالكيبورد نفسه اذا كنت تحتاج تحرير النصوص والكتابة بشكل دائم تحتاج تنتبه للكيبورد المناسب والمريح لك
فيه ميزة تحرك الصفحة بالكيبورد نفسه ببعض الاجهزة عادة تكون بين حرف G ( ا ) وحرف H ( ل ) زر احمر
واذا كنت كثير كتابة الارقام وتحتاجها تكون بجهة لحال زي بعض اللابتوبات
5- خصائص الجهاز :
المعالج والمساحة الرامات وغيرها اهم شئ ركز عليه التالي :
- CPU المعالج : هو العقل للجهاز واول شئ بالخصائص لازم تنظر له
اشهر شركات المعالجات عندنا AMD و Intel
- معالج AMD A series او Intel core i5 او Intel core i3 /
اذا كنت تدور عن اداء عادي وسعر مناسب واستخدامك استخدام عادي
- معالج Intel core i7 /
ان كنت تحب تشغل الالعاب والشغل الكبير والتعديل على اللاب توب احرص على هالمعالج
- معالج AMD E Series او Intel Pentium/Celeron /
للاجهزة اللي اسعارها تكون رخيصه ماتصلح للتصميم والتعديل والالعاب .. مناسبه اكثر للتصفح
- معالج Intel Atom /
عادة تكون للاجهزة اللي 2-1 وتكون بسيط الاستخدام .. عمر البطارية بهالاجهزة يكون اكبر من معالجات Intel Pentium/Celeron
- معالج Intel Core m3 / m5 / m7 /
اسعار رخيصه واداء اقل وجودة اقل طبعا اقل استخدام للطاقة وللحرارة اداء أفضل من Intel Celeron لكن طبعا اقل من Intel core i5 او Intel core i3.
الزبدة ؟ ركز على اول 3 وعلى حسب رغبتك
2. الرامات Ram :
عادة تكون 2 قيقا وافضل ماينقص عن 4 قيقا لو ميزانيتك كويسه 8 قيقا ممتازة
3. مساحة الهارديسك :
عندنا نوعين من الهارديسكات
نوع اسمه SSD هذا النوع الجديد من الهارديسكات وهو اسرع من النوع القديم المعروف HDD
طبعا تحصل اللابتوبات بهارديسكات SSD بحجم صغير 164 قيقا و 250 قيقا عكس الHDD اللي تلقاها اكثر من 500 قيقا و 1 تيرا .
اذا ميزانيتك تسمح لك ب SSD وحجم مناسب فهو افضل واسرع لجهازك
4. دقة الشاشة :
الاغلبية والاشهر هي 1366*768 ..أفضل لك تختار شاشة دقتها 1920*1080 اللي يكتبون عليها بالعادة Full HD او 1080p
فيه دقة اكبر زي 2560*1600 او 3200*1800 وحتى 3840*2160 لكن بتكلف سعر اكثر تستهلك طاقة اكبر يعني استهلاك للبطارية اسرع طبعا .
5. شاشة اللمس :
اذا ماكان اللاب توب 2-1 فالافضل لك تبتعد عن شاشة اللمس ماراح تستفيد كثير وبتستهلك البطارية وسعر اكبر .
6.كرت شاشة Graphics Chip :
اذا كنت تصمم بشكل مستمر وتصمم اشياء 3D او تعدل فيديو ومونتاج او تشغل العاب من المهم جدا انك تركز على كرت الشاشة AMD و Nvidia من اشهر الشركات لكروت الشاشة فيه انواع واحجام مختلفة لها .
7. منفذ CD/DVD :
حاليا بدأ ينقرض شيئا فشيئا .. لان كل شئ الان تقريبا تحمله واللي تبيه تنقله بالميموري فلاش . ايضا لو كنت بحاجته وجهازك اللي اخترته مافيه منفذ .. تقد تشتري منفذ خارجي توصله عن طريق اليو اس بي . بالنسبة لي حتى جهازي المكتبي مافيه منفذ سي دي .
- بطارية اللابتوب
موضوع مهم جدا اذا كنت كثير التنقل لازم تنتبه له .. اما اذا كنت تجلس بمكتب بشكل دائم .. هذي صورة مثلا لمقارنة بين لابتوبات واستهلاك البطارية
طبعا فقط على WiFi وتصفح مواقع .
- ايضا من المهم لكن ان تنتبه للشركة المصنعة للجهاز :
طبعا مهم جدا في حال واجهت اي مشكلة للضمان . عندي لاب توب من msi شريته جديد بعد فترة صار مايشتغل بسبب الهارديسك طبعا رجعته للضمان وصلحوه بدون اي تكلفة .
مهم تعرف الوكيل له وسمعته وخدمته Apple مثلا بالمركز الاول ( اتكلم عالميا ) بخدمة العملاء وهذا الشئ يخلي اي واحد يميل لاجهزة ابل اكثر من غيرها
