بتدوينة اليوم بفصل بموضوع اشتراك بي ان

شرح التجديد اونلاين – الباقات واسعارها – واضافة امم اوروبا وكوبا امريكا

 

اول شئ بنتكلم عن الباقات المتوفرة عندهم ( نعرف انهم بدو يتوسعون ويدخلون قنوات افلام واطفال ووثائقيه )

الباقة الاولى Access : 

access

هذي 37 ريال شهريا

بخصوص القنوات الرياضية اللي فيها ( تسليك ) لان اهم المباريات تكون على bein 1 HD ,beIN 2 HD ,bein 3HD هذي القنوات اللي تكون عليها مبارايات التشامبيونز والدوريات الكبيرة واكبر مبارياتهم .

 

الباقة الثانية Top Sports : 

accesstopsport

اللي هي نفس الباقة الاولى + كل قنوات الرياضة ( يعني عندك من بي ان 1 حتى بي ان سبورت 17 وقناة NBA حقت السلة )

هذي ب 95 ريال شهريا

الباقة الثالثة الباقة الترفيهية Top Entertainment : 

access

enterti

الباقة الاولى + 4 قنوات بي ان للافلام وقناة ناشينال جيوغرافيك الاساسية + قناة فتافيت للطبخ و4 قنوات للاطفال وقناتين افلام زيادة

هذي ب 95 ريال شهريا

 

الباقة الرابعة الباقة الكاملة Complete : 

topsportentertiaccess

كل القنوات اللي عندهم

بالاضافة الى مشاهدة عبر الانترنت من خلال موقع beIN CONNECT او التطبيق حقهم على الجوالات والايباد القنوات المتوفرة على التطبيق

القنوات المتوفرة على التطبيق هي القنوات الرياضية كاملة ( من 1 الى 17 و NBA ) بالاضافة الى قنوات الافلام bein movies وايضا قناة الاطفال be Junior

سعر اشتراكها 115 ريال شهريا

 

باقة بطولة امم اوروبا ( وبطولة منتخبات كوبا امريكا ) :

2016euro

تضيفها ب 225 ريال وحاطين شرط انه اشتراكك لازم يكون حتى بعد 1 نوفمبر ( يعني على تاريخ اليوم لازم يصير عندك اشتراك صلاحيته اكثر من 6 شهور )

السعر الحالي 225 ريال بعد التخفيض وعرض حتى نهاية شهر 5 وبعدها يرتفع 15% بدال 60 دولار ( 225 ريال ) بيكون 70 دولار ( 263 ريال تقريبا )


 

نجي لطريقة التجديد : 

 

تكلمت بتدوينة سابقة عن شرح اعادة ارسال اشارة قنوات بي ان  اذا ماشتغلت القنوات عندك

طبعا عن طريق نفس الصفحة https://sbs.beinsports.net/selfservice/  تتسجل دخولك

beinrenew1

بعدها تشوف بياناتك ورقم الاشتراك والبطاقة وتحصل زر تحت للتجديد

beinrenew2

وبعدها يجي اختيار الباقة وطريقة الاشتراك :

طريقة الاشتراك شهري نصف سنوي او سنوي وانتبه لموضوع الوقت فيه عداد فوق يمين اذا تاخرت بترجع تسجل دخول من جديد

beinrenew3

لونت الجدول عشان اوضح واسهل لك

الاصفر شهري

الازرق سنوي

اللي مالونته هذا كل 6 شهور

طبعا انتبه للباقة اللي بتاخذها زي ماكتبت فوق اسماء الباقات ( Access الاولى – Top Sports الثانية – Top Entertainment الثالثة – الباقة الكاملة Complete )

بعد ماتختار اضغط على مواصلة الدفع

بيفتح لك صفحة اختيار طرق الدفع

beinrenew4

بالنسبة لي اختار باي بال اذا كان مافيه فرق بالسعر ( نادرا احصل احد يزود قيمه الدفع عن طريق باي بال )

بعد ماتكمل بياناتك اضغط على ” الدفع ” وبس

انا اخترت باي بال PayPal

 

beinrenew5

يحولك على صفحة باي بال انتظر

beinrenew6

تأكد من السعر وسجل دخول لحسابك باي بال للدفع

وبعد ماتضغط ادفع بيرجعك على صفحة bein يأكد لك انه تم الدفع

beinrenew7

 

وانتهى تجديد الاشتراك

طيب اضافة اليورو ؟

ارجع للصفحة الاولى بعد ماتسجل دخول لحسابك وبتحصل زر اضافة اليورو

beinrenew8

 

beinrenew9

وبعدها تكمل نفس الخطوات السابقة لتجديد الاشتراك