كيف تلغي اشتراك مربوط في باي بال

ميزة باي بال وتكلمت عنها اول مافتحت المدونة وبديت شروحات انهم يرجعون لك حقك لو واحد حاول ينصب عليك ايضا تقدر تلغي اشتراك مربوط في باي بال بكل سهولة

من سنوات وبعض المواقع تقدم اشتراك شهري مثلا .. لنفرض انك اشتركت وقررت تلغي .. بكل بساطه من باي بال PayPal تلغيه

ليش افضل لك انك تشترك باستخدام باي بال ؟ لان طريقه الالغاء بسيطة .. بينما لو كنت مسجل ببطاقة البنك عشان تلغى البطاقة اغلب المواقع بيقولك حط بطاقة بديلة !

نبدأ بالشرح :

اول خطوة ادخل على حسابك في PayPal

وتدخل على الاعدادات Setting من ايقونه اللي باقصى اليمين

الدخول لاعدادات حسابك في باي بال

ثاني خطوة نروح لصفحة المدفوعات payments

الدخول لصفحة المدفوعات من حسابك في باي بال

ثالث خطوة نضغط على زر التحكم بالاشتراكات التلقائية manage automatic payments

الضغط على زر التحكم بالدفعات التلقائية والاشتراكات في باي بال

رابع خطوة نختار من الجهازة اليسار الاشتراك اللي بنلغيه ونضغط عليه

اضغط على الاشتراك اللي تحب تلغيه من باي بال

وبعدها بيجينا تفاصيل الاشتراك وكم يسحب منك ومتى واسم الشركة او الموقع .. بكل بساطة تضغط على الغاء cancel

طريقة الغاء الاشتراكات الاوتوماتيكية في باي بال

وبعدها يجيك رساله تأكيد وتأكد الخطوة cancel automatic Payments

رسالة تأكيد الغاء الاشتراك عن طريق باي بال

وبعدها خلاص يقولك تم

رساله نجاح الغاء اشتراك بواسطة الباي بال

مهم جدا تعرف لهالخطوة لو بالمستقبل قررت تلغي اشتراك مربوط في باي بال وايضا لو حبيت تعرف متى وقت الدفع للاشتراكات اللي عندك