كيف تتسوق على النت ؟ # 2

السلام عليكم

عودة مرة اخرى لموضوع التسوق اللذي سوف يكون على عدة تدوينات

اسردها بشكل اسبوعي كحدا اقصى او

" على حسب المزاج "

للاطلاع على اولى الخطوات المطلوبه منك للتسوق عبر الانترنت

هنــــا

في موضوعنا هذا اليوم بتكلم عن الباي بل

خدمة الدفع الامنه عبر الانترنت

التسجيل فيها مجاني

بداية خلنا نعرف وش شغل هالموقع

paypl

هي شركة تتبع لموقع التسوق الشهير والمزادات الاكبر على مستوى العالم

موقع eBay

تم انشاء الموقع في 1998

الرسوم اللي ياخذها الموقع عليك :

في حالة كونك " بائع " راح ياخذون عليك 2.4% الى 3.4% من المبلغ

اما كونك "مشتري" ماراح ياخذون عليك اي رسوم

هذا بشكل عام اذا كنا نتكلم عن الدفع الالكتروني وليست التعاملات الالكترونية الشخصية

التفاصيل هنا

الدول العربية اللي تقدر تستقبل اموال وترسل عن طريق باي بل هي

الامارات , قطر , الكويت وفلسطين

اما البقية مجرد ارسال فقط

الا بعض الدول لاتستطيع استقبال او حتى ارسال

مثل سوريا  ليبيا العراق  مصر السودان

السعودية حتى الان لاتستطيع الا الارسال فقط من حسابك بدون استقبال

وش اللي يخلي باي بل وسيلة دفع آمنة ؟

المبلغ اللي تدفعه يكون واضح قدامك ومايروح اي مبالغ اضافيه بدون ماتعرف

في حال تعرضت – لاسمح الله – للنصب والاحتيال 

وهذا وارد كثيرا في عالم الانترنت 

وكنت مختار طريقة الدفع عن طريق الباي بل

تقدر تسترجع المبلغ اللي دفعته

وانا شخصيا جربتها

هل الباي بل شرط اساسي للتسوق عبر الانترنت ؟

لا طبعا لكن اغلب مواقع التسوق تستخدم الدفع عن طريق الباي بل

تقدر تدفع عن طريق رقم بطاقتك مباشرة لكن ان بغيت الامان مالك الا باي بل

هذا موضوع شرح تسجيل بالموقع

وعلى دروب الخير نلتقي