جديد على الجالكسي اس 2 ؟ اشياء اساسيه لازم تعرفها – 1 –

بتكلم بشكل مبسط عن الاشياء الجديده على المستخدم الجديد للجالكسي اس 2 

كتبت قبل فترة عن الوحش جالكسي اس 2 طلبته من النت ووصل وتكلمت عن التعريب فيه 

 وبعدين كتبت عن نقل الاسماء له هنا

وكتبت هنا مقارنه بين الجالكسي اس 2 والايفون 4

اليوم اكتب اهم الاشياء لمستخدم الجالكسي اس 2 

#1الذاكرة الخارجيه Micro SD

معروف ان الجهاز تقدر تركب فيه ذاكرة خارجيه .. الذاكرة اللي تركبها مايكرو اس دي 

تجي 1 قيقا , 2 قيقا , 4 قيقا , 8 قيقا , 16 قيقا واخيرا 32 قيقا 

والاسعار على حسب السعه 

مكان تركيبها بالجهاز .. بالمحدد الاحمر بالصورة 

طبعا لازم تفك البطارية عشان تركبها 

#2 تعريف 

#3 التنبيهات واهم الاشياء

باصبعك .. اسحب من اعلى شئ ( من عند علامة البطارية ) لتحت

بيفتح معك زي هالصورة

اذا فيه تنبيهات من البرامج يطلع لك اذا فيه رسالة تبين لك كم رسالة جديده .. وهيك

واذا بغيت توخر التنبيهات يعني انك شفتها اضغط على Clear 

اللي بالاعلى واضح .. تشغل الواي فاي او تطفيه , البلوتوث, الصوت تبي صوت ولا صامت 

Auto rotation تحريك الشاشة 

#4 كيف تاخذ برنت سكرين ؟ صورة للشاشة ؟

علّق على زر الـ Home 

 اضغط معه زر قفل الشاشه 

موب مع بعض !  .. اول شئ الهوم وبعدين اضغط القفل 

الصورة تحصلها بالـ Gallery 

تحت مجلد اسمه ScreenCapture 

#5 استخدام الكاميرا

طبعا الوضع الطبيعي يشغل الكاميرا الخلفيه لكن لو بغيت تستخدم الكاميرا الامامية  

بيطلع لك كذا شكله

لاحظ اللي محدد بالاحمر .. مافيه فلاش طبعا للكميرا الاماميه

اما وضع الفيديو بيجي بالشكل هذا 

#6 YOUTUBE 

اليوتوب فيه مايصلح الا بالعرض 

تضغط مرة على الشاشة عشان توقف المقطع 

حرّك باصبعك على السطر اللي فيه info , related vidoes لليمين 

..

هذا التدوينة كتبتهاعلى عجاله 

 باقي اشياء مهمة تعرفها ابكتبها باقرب فرصه اليوم او بكرة ان شاء الله