التسوق من النت – خطوة بخطوة 2 – | الشحن الى السعودية ( مقارنة لوسائل الشحن المتوفره )

تكلمت بالتدوينة السابقة عن اول واهم خطوة للتسوق من النت هنا

https://yasser9.com/2011/prepaidcard/

التدوينه هذي بتتكلم عن خمس طرق للتوصيل والشحن الى السعودية  

بعض او خلني اكون ادق اغلب المواقع ماتشحن للسعودية مباشرة

وبعض المواقع ماتشحن برا امريكا خير شر 

وبعضهم يشحن للسعودية ماعنده مشكلة … لكن بياخذ مبلغ اكبر من انك تجيبها من امريكا او بريطانيا 

اول خدمه عندنا خدمة Shop And Ship من ارامكس

هنا رابط لبرنامجهم على الايفون والايباد

تدفع مبلغ فتح الحساب مرة وحده  اللي هو اعتقد 22.5 دولار

يجيك صندوق بريد باسمك في :

امريكا – بريطانيا – الصين

 – الصين بالذات فيها فرص كبيرة وكثيره .. بيجي الوقت  اللي احط فيه تجارب ومواقع صينيه ان شاء الله – 

عيبهم .. انك ماتقدر تجمع الشحنات

اول نص كيلو 65 ريال وبعدها كل زياده نص كيلو 35 ريال

وفيه اداة بالموقع تحسب لك السعر بمجرد ماتحط الحجم

شف مثلا حطيت 1.8 كيلو كم بيوصلونها

الشئ الاخر .. بعض الاشياء ممنوع تشحنها .. مثلا العطور ممنوع تشحنها بارامكس !

على فكرة .. حتى زينه للمبتعثين اللي بيرسلون لاهلهم اغراض .. اعتقد انها بتطلع ارخص من شركات الشحن الثانيه  

الشركة الثانية عندنا

World Ship

ميزتهم تجميع الشحنات

وش فايده تجميع الشحنات ؟

لو مثلا طلبت سماعات  وطلبت شاشه كمبيوتر .. وصلت السماعات قبل .. مع ارامكس بتدفع 65 ريال لانه نص كيلو واقل وبتدفع قيمة توصيل الشاشه لحال

اذا ماوصلوا سوا

بينما هنا لا .. اطلب السماعات وخلها متى ماوصلت الشاشه تقدر تطلب شحنهم سوا .. لك 45 يوم كحد اقصى

فيه 3 فئات  للتسجيل على حسب طلباتك من النت

وماعندك عنوان الا امريكا بعكس ارامكس اللي عندك 3 دول 

عن نفسي افضل ارامكس .. من تجربه  .. من تالي اسمع عن  ورلد شيب سمعه مش ولابد

هذولا الافضل نجي للباقي

عندنا واصل من البريد السعودي

 فتح الصندوق مجاني اذا فعلت خدمة واصل اللي عند بيتك

– واضح ان ماعندهم سوق زي اللي فوق   –

لكن افضل لك يكون عندك هالصندوق .. اسهل لك اذا جيت تطلب من بعض المواقع اللي توصل للسعودية بسعر بسيط

سبق طلبت شئ وحطيته هنا بهالتدوينه 

كنت اطلبه على السعودية على بيتنا على طول ويوصل يمكن خلال اسبوع والشحن على البائع بعد

https://yasser9.com/2009/7mayah-m5oosh/

عموما واصل ماقد جربته حتى احكم عليه لكن يميزه  سعر الشحن اقل والدول اكثر

الدول اللي يوصل منها هي :

ومن مميزاتهم انهم يوصلون عطور