كيف تتسوق في موقع AMAZON وتطلب منه ؟ بالصور (من-الى )

سبق ان كتبت عن طريقة الشراء من اكثر موقع .. ولي فترة ماشرحت شئ حسيت اني مقصر بهالموضوع 

هنا تكلمت عن الشراء من موقع eBay 

وهنا بعض التجارب لي بالشراء في هذا التصنيف الشراء من النت 

في هالتدوينة ابكتب عن طريقة الشراء والمراسلة واغلب مااعرفه عن موقع امازون 

اول جزء بالتدوينة طريقة الشراء بالصور 

اضغط على الصورة اذا كانت صغيره موب واضحه 

جاني طلب شراء من صديق لشراء طقم نادي انتر ميلان 2012 

بعد مانختار المنتج اللي نبيه

اضغط هنا لمشاهده على موقع امازون 

http://www.amazon.com/gp/product/B00563D7YC/ref=ox_ya_os_product

نضغط على  new 

هذي معناته مافيه الا بائع واحد ويبيع جديد 

بعض المنتجات – الكتب مثلا – تلقى فيها مستعمل و جديد 

سبق طلبت لواحد من الشباب كتاب طبي مستعمل وكان سعره اقل من الجديد وبمبلغ معقول 

شف هذا مثلا 

 يقولك ان اللي يبيعونه جديد عددهم 43 بائع .. تبدا الاسعار من 7.25 دولار 

واللي يبيعونه مستعمل 46 بائع .. تبدا الاسعار من 2.87 دولار

نرجع نكمل الشرح

بعد مانختار البائع – اذا كان فيه اكثر من خيار – نضغط على add to cart 

انا هنا غلطت واضفته مرتين من الحماس 

اروح للتعديل احذف واحد من الطلبين 

بعدين نكمل ونضغط Proceed to checkout 

نحط بطاقة الائتمان 

وبعدين تكمل 

هذا خيار الشحن .. بعض البائعين يعطيك خيار الشحن المستعجل او اقل منه او عادي 

يعني بعضهم يقولك من بكره شحنه او بعد يومين .. او العادي من 5 الى 10 ايام 

وطبعا كل واحد له حسابه 

اخر خطوة قبل الدفع .. لاحظ كل شئ موضحه على الصورة 

بس نسيت اضيف اللي بالبرتقالي مكتوب 9Aug – 10Aug 

هذي الشحن المتوقع 

بعد الدفع بيشكرك .. ويعطيك الوقت المتوقع لوصول الشحنه .. ليش بعيد 16 الى 24 .. لان الشحن دولي .. من امريكا الى كندا – حسب المثال ذا – .. بياخذ وقت على مايوصل 

انتهينا من طريقة الشراء بالخطوات الحين 

طيب .. افرض بعد ماطلبت شئ .. هونت تبي تلغي الطلب.. او تبي تراسل البائع تنبه على شغله معينه وتحرصه عليه كيف ؟  

نروح اول شئ من فوق الى  Your Account بعد ماتسجل دخول بالموقع 

تلقاها على الجهة اليمين فوق 

بعدين نكمل 

ضغطت على مراسلة البائع عشان اقوله يالحبيب ابي مقاس XL 

تكتب بنص الرسالة اللي تبيه .. اهم شئ اختار من قائمة عنوان الرسالة واضح 

كذا يقولك خلاص ارسلنا رسالتك 

قضينا من هالجزء المهم واللي مفروض كل شخص بيشتري من امازون يعرفه 

خلنا نشوف العروض من موقع امازون كيف نعرفها ؟. 

من فوق مكتوب كذا 

هذي عروض يوميه ولها مؤقت يحسب لك .. احيانا تطيح بعروض كويسة 

لكن .. افضل وقت للعروض تلقاه وقت الكريسمس ( اجازة رأس السنه ) والعطل الرسمية والاعياد عندهم 

وبس 

* اذا فيه غرض تبيه وتدور ارخص سعر .. سيّر على موقع ebay وقارن بالسعر .. احيانا تحصله هناك ارخص 

* موقع تسوق يهم المبتعثين اكثر .. خصوصا لو انت بامريكا بتلقى بين فترة وفترة عروض تفيدك 

 حاولت اجمع كل اللي اعرفه واهم شئ للشخص الجديد بالتسوق وخصوصا هالموقع الكبير المعروف جدا

وأي مشكلة او استفسار انا موجود ان شاء الله لمساعدتك