كتبت سلسلة تدوينات جديده عن التسوق من النت
بديتها بالاساسيات وهي البطاقة الائتمانية والافضل تكون مسبقة الدفع بها التدوينه
وبعدها تكلمت عن طرق الشحن والافضل والاسعار هنا
وبعدها بدينا بطريقه الدفع مباشر بالبطاقة او عن طريق مواقع موثوقه زي paypal وطقته هنا
اليوم نبدا الشغل الصدقي .. وبتكلم عن موضوع مهم وهو كيف اننا نعرف هالموقع .. موثوق ولا لا ؟
فيه كثير مواقع نصب منتشره
تستغل جهل الناس الجدد بموضوع التسوق من النت
حتى لو كان حسابه باي بال .. يعرف انه نادر بيجون ويشكونه لانهم يمكن ماعرفوا انه ممكن تشتكي بائع اذا شريت منه باي بال
زي ماتكلمت بالتدوينة السابقة
نشوف بعض الاشياء اللي تعطيك الثقه بان الموقع صدقي
اول شئ عندنا الباي بال
حط ببالك اذا دفعت بالباي بال انه فيه طريقه تشتكيه لو نصب عليك وسحب عليك
خلال 45 يوم تقريبا لازم تقدم الشكوى
طريقتهم تقدم شكوى .. بعدها يرسلونه للشخص الثاني يرد على الشكوى وهكذا طبعا بتاخذ فترة على مابال تطلع الفلوس من عينه
فعشان تبعد عن هالموضوع والشيل والحط والقل احرص على بعض الامور اللي بذكرها بهالتدوينة
عندنا WOT
هذا موقع يقدم خدمه جميله تعتمد على تقييم الناس
وفيه اداة تركبها بالمتصفح يبين لك تقييم الناس الموقع معروف ولا مش حالك
وطبعا انت تقدر تقييم وتكتب تعليق عن تجربتك لازم تكون مسجل
تدخل الموقع عادي بعدين تروح تحط رابط موقع التسوق اللي تبي تتأكد منه
نروح لمكان البحث ونحط رابط الموقع
شف مثال موقع امازون
تلاحظ الصفحة يبين لك فيها الاخضر يعني كويس وكلما نزل للاحمر يعني هه موب مرة
وتشوف تعليقات والردود عليه
ازين شئ تكون مركب الاداة تبين لك كل موقع تزوره وشهو من لحية
من هذا الرابط
http://www.mywot.com/en/download
الجميل انه يدعم اهم برامج التصفح
طبعا هذا موب قرار اكيد ان الموقع ثقه .. لكنه يعطيك تلميح لانه بالاخير تقييم ناس اي شخص يسجل يقيم الموقع
اذا كان الموقع جديد ماتقدر تعتمد على تقييم هالموقع يمكن ماله تقييم خير شر
انتبه لبعض النقاط التالية :
تأكد – خصوصا اذا طلبت وصرت حول الدفع – انه يستخدم تشفير SSL
وتشوف الرابط بعد http فيه حرف s
اذا وصلت للدفع ومالقيت ذا قفل الموقع وقل انقلع
القراشيع ذولي اذا شفتها لازم تنضغط يعني بعضهم يحطها شكل .. لازم تقدر تضغط عليها وتحولك لموقع ثاني اللي هو حق الشهاده انه هالموقع محمي موقع موثوق وهيك
عن نفسي منب مرة اناظر لهن كثير لكن اذا شفتها لازم اضغط واتاكد انه موب حاطها شكل
اسأل الشيخ قوقل
حط رابط او اسم الموقع وابحث بقوقل تلقى ناس قد تكلمت عنه بمنتديات بتويتر بمدونات او حتى بالفيس بوك .. بيعطيك امان اكبر ان الموقع سبق التعامل معه يعطيك معلومات اكثر
Alexa وهو ترتيب المواقع
اذا شفت ترتيبه عالي يعني من 10 الاف وتحت
طبعا كلما كان من 5 الاف وتحت كان اقرب للثقه اكثر
اعرف ان الموقع والله يجيه ناس
لكن هذا الخيار لايعتمد بتاتا عليه
اليكسا ممكن تدخل تحط رابط وتشيك منه او تحمل اضافه من هنا
http://www.alexa.com/toolbar?utm_source=top-nav&utm_medium=www&utm_campaign=toolbar
هذا اللي يحضرني واتمنى تستفيدون من التدوينه
بخصوص موقع المزادات العالمي eBay
كتبت عنه تدوينه وفصلت فيه هنا
اما الموقع المعروف والموثوق Amazon
كتبت وشرحت طريقه الطلب منه هنا
* نصيحتي لك اذا بغيت اقل سعر شف بامازون وقارنه باي بي طبعا انتبه للبائع الموثوق وتوكل على الله
هذي بعض التدوينات :
تجربتي مع طلب ايبود وشرح مصور هنا
تجربتي في شراء بطاقات بلاي ستيشن نتورك ( الموقع يبيع بطاقات ايتونز وبطاقات xbox360 )
وفيه زياده خوذوا لفه بقسم التسوق من النت وان شاء الله تستفيدون من تجاربي وتدويناتي فيه
4 Comments
rose
خوووفتني بصراحة من التسوق بالنت اوكيه هو اكيد في النت حراميه ونصابين طراز عالي لكن …… على طول موجودين ؟؟؟؟ه هذا اللي يخوف
يسلموا على كلا يا ياسر ويعطيك 1000 عافية
ياسر
الحراميه بكل مكان واكيد النت بيكون اسه مكان لهم https://yasser9.com/wp-content/plugins/smilies-themer/Nomicons%20v2.0/ninja.png لازم الواحد يكون حذر
rose
طيب اذا ممكن عندي سؤال
انا سجلت بموقع الباي بااال بس بصراحة ماعرفت شلون استخدمه الاكاونت الان مفعل لكن مو عارفة شلون احط فيه فلوس
ااذا ممكن تشرح لينا شلو ممكن استخدمه وشلون اشتري من موقع و ادفع بالباي بال واحدط عنوان الارامكس حقي ؟؟؟؟؟
فهده
ودي اعرف وش معنى هالتعليق بامازون
Eligible for FREE Super Saver Shipping on orders over $25.00
Comments are closed.