امس شريت جالكسي اس 3 ب 1299 بس
مع ان سعره الرسمي بالاسواق 2500 .. وان لقيت عرض ماينزل عن 2300 ريال
الطريقة كانت باستخدام نقاطي من موبايلي
اول شئ نقاط موبايلي وش ؟
هي نقاط تكسبها باكثر من طريقة اذا دفعت الفاتورة بوقتها تجيك نقاط على حسب الفاتورة .
انا واخوي مشتركين بباقة الموج الازرق الخاصه بجمهور الهلال
اسعار الباقة المفوترة
المهم بالموضوع انها مرتبطه بفريق الهلال .. اي فوز يحققه الفريق تاخذ 100 نقطه
خلنا نشوف الموسم الماضي بالدوري لحاله كم فاز الهلال فاز في 18 يعني 1800 نقطه .. وطبعا فيه بطولات ثانيه ينافس فيها ( كاس ولي العهد كاس خادم الحرمين ودوري ابطال اسيا )
الظاهر انها تقريبا 40 مباراة .
وزي ماقلت النقاط تتجمع باكثر من طريقه من تسديد الفاوتير وغيره
صلاحية النقاط لمده سنتين (24 شهر) وقبل تنتهي يبلغون بس قبلها بكم يوم .
انا جتني رساله انه لديك 10 الاف نقطه تنتهي صلاحيتها بنهاية شهر 7 ميلادي ( هالشهر يعني )
ورحت بدلت نقاطي عند جرير بقسيمه شرائية ونقاط اخوي وصارت تقريبا 1200 ريال
( حط ببالك جرير اذا بدلت النقاط بقسيمه لازم تصرفها بنفس اليوم ولا بتروح عليك ! )
فيه غير جرير لتبديل النقاط .. تقدر تسدد فيها فاتورة او تحولها لرسايل مجانيه او انترنت
او غير جرير شركات ومحلات ثانيه تقدر تشوفها هنا
وهذا جدول النقاط من موبايلي
* اقل نقاط عشان تستبدله من خارج موبايلي 5000 نقطه ( 250 ريال )
نرجع لجرير .. بدلت النقاط 20 الف نقطه (من جوالين ) ب 1200 ريال !
ودفعت الباقي
من جرير كان العرض جالكسي اس 3 ب 2500 ريال يجي معه شريحه بيانات من موبايلي 5 قيقا كل شهر لمده 3 شهور
نجي للجالكسي اس 3
الالوان المتوفرة فيه لونين ابيض وازرق
اخذت الازرق
وهذا جنب ال S2
مواصفات ال S3 :
شاشه 4.8 انش
وحجمه 133 جرام بس !
المعالج رباعي النواه 1.4 GHz
الرام 1 قيقا
الذاكرة الداخليه 16 قيقا
وطبعا تقدر تركب ذاكرة اضافيه خارجيه حتى 64 قيقا
الكاميرا الخلفية 8 ميقا
والامامية 1.9 ميقا
وش الجديد بالكميرا ؟
httpvh://www.youtube.com/watch?v=PlR8AU-7Fv4&t=1m2s
والمهم بعد البطارية .. اغلب الاجهزة الذكيه تعاني من وقت البطارية
الطبارية 2100mAh
المميزات التقنية والبرامج فيه :
( بالايفون 4 اس فيه خدمه اسمها سيري )
بالاس 3 خدمه شبيه بها اسمها S-voice
Smart Stay eye tracking
اذا كنت تشوف الجهاز ونمت يطفى من نفسه
httpv://www.youtube.com/watch?v=KHO1BTMQAk8
50 قيقا مجانيه من موقع DropBox
S-Beam
نقل الملفات من جهازك لجهاز خويك اسرع حطها ورا بعض وينقل شف الفيديو
httpv://www.youtube.com/watch?v=T5MoNeUCNg0&t=1m30s
الاتصال المباشر وانت تشوف الرسالة حط السماعه على اذنك وبيتصل عليه مباشرة
هذا فيديو اعلاني من سامسونج يوضح المميزات اللي فيه
httpvh://www.youtube.com/watch?v=idb4Wx4e3co
واخيرا المقارنات :
هذا جدول مقارنة مع ايفون 4s و HTC one x
