فك تشفير مودم زين 4G وحل مشكلة البطئ بالتحميل

قبل اكثر من سنه كنت اواجه مشكلة باستخدام انترنت STC وسويت كل الحلول الممكنة وللاسف كل فترة يكون الانترنت اسوء .

جربت انترنت من شركة زين بحكم انهم غيروا سياسيتهم بالانترنت اللامحدود عكس STC اللي صار يحطون انترنت محدود هنا كتبت الشرح لفك راوتر stc القديم .

عموما اول الفترة كان ممتاز جدا لكن بعد فترة بدت تضعف السرعه بشكل كبير ..مع اني كلمت خدمة العملاء لكن للاسف الموظف يصرفني واضح انه مايعرف بشغله شئ

الحل قلت اسوي زي ماسويت مع مودم STC اجرب افك التشفير واحدثه والصراحة فيه فرق كبير

بسم الله نبدأ الشرح

اول خطوة المودم لازم يكون اسمه كذا MODEL : E5172AS-22

كيف تعرف نوعه شل المودم وتحصل من تحت مسجل نفس كذا

ايضا البيانات اللي نحتاجها رقم IMEI اكتبه على جنب لانك بتحتاجه

طبعا بالبداية بنفك التشفير بحيث ينفع تركب عليه اي شريحه مثلا موبايلي او STC

طبعا بيشتغل 3g كل الشبكات لكن ال 4G فقط اللي تدعم تردد 1800

الحين تدخل هالموقع http://huaweicodecalculator.com/new-algo/

وتسجل دخول بقوقل بلس ( اذا عندك ايميل Gmail على طول سجل دخول فيه )

وبعد ماتسجل دخول

دخل رقم IMEI وتحته الموديل E5172As-22

بعدها اضغط على Calculate

وبيطلب منك تضغط على like و share بقوقل بلس ( هذي خطوة الزامية من الموقع )

بعدها بيطلع لك كذا

انسخ الكود اللي بالاحمر وسجله على جنب بنحتاجه بعد شوي

فك الشريحه حقت زين وركب اي شريحه ثانية وافتح صفحة المودم

اكتب بالمتصفح 192.168.1.1

 بتحصل شعار القفل على الشريحه فوق معناته المودم ماراح يشتغل على شريحه غير زين سجل دخولك عادي اذا ماغيرت البيانات اضغط admin اليوزر والباسورد

الانترنت >> قفل بطاقة SIM >> ودخل الرقم اللي بالاحمر نسخته قبل شوي هنا وبعدها اضغط ارسال

بتلاحظ انه راحت علامة القفل من فوق

هذي اول خطوة

الخطوة الثانية التحديث

لازم تروح لصفحة التحديث وتركب التحديث المضاد وبعدها نقدر نركب تحديث هواوي الرسمي

اضغط هنا للتحميل 

بعد ماتفك ضغط الملف بتحصل ملف امتداده .BIN

رح نفس الخطوات اللي بالصورة

بعدها اضغط تحديث وانتظر لين ينتهي من نفسه

الحين بتلاحظ صفحة المودم تغيرت

نروح نركب التحديث حق هواوي نفسه

اضغط هنا لتحميل التحديث 

نفس اخر خطوة

وكذا معناته انتهى التحديث

طبعا بعد ماسويته لاحظت الفرق كبير

القياس كان عقب الفجر امس