شرح الطلب من موقع العسل الالماني honig schmidt

سواليف التسوق من النت, سواليف المواقع

العسل من اكثر المنتجات فيها غش ( اضافه سكر ) بدال لايكون عسل طبيعي 100%

(وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ * ثُمَّ كُلِي مِنْ كُلِّ الثَّمَرَاتِ فَاسْلُكِي سُبُلَ رَبِّكِ ذُلُلًا يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ إِنَّ فِي ذَلِكَ لَآيَةً لِقَوْمٍ يَتَفَكَّرُونَ)، «سورة النحل: الآيتين 68 – 69»

فالاستغلال من بعض ” الجشعين ” للاسف اللي ماعندهم ذمه وضمير قد يسبب ضرر اكثر للناس اللي يدورون الفائده من العسل الطبيعي.

اليوم بشرح كيف تطلب من موقع ألماني وكم السعر للشحن المباشر للسعودية وتجربتي معهم .

توجه الناس صار للنت اكثر لضمان السعر والجوده هذا موقع الماني متخصص بالعسل اسمه honig schmidt

يشحن مباشر للسعودية ( ودول الخليج ) عن طريق DHL واسعار الشحن حسب الوزن اول 5 كيلو ب55يورو ( نعم يفضل اذا طلبت تطلب كمية ارخص لك بالشحن ) ومن 5 الى 10 كيلو ب 75 يورو . والاسعار بالصورة

اول شي ندخل الموقع ونحوله الى انقليزي
هذا رابط الموقع الانجليزي مباشرة

انا مثلا اخترت عسل الغابه وهنا صفحتها

https://www.honig-schmidt.de/honig-shop/advanced_search_result.php?language=en&keywords=forest

اخترت عسل اكاسيا وهو من افضل انواع العسل اخترت اللي يجي بسطل حجمه 2.5 كيلو

يجي سعره 29 يورو ( حسب سعر اليورو اليوم يعني 119 ريال تقريبا ) مع 7% ضريبه بعد مانضغط على العدد اللي نبيه ونضغط على In Cart بيحولنا على صفحة سلة الشراء

اذا بتضيف شئ او نوع ثاني او اضغط على checkout

بعدها كمل البيانات عنوانك وتفاصيلك ولاتنسى تحط علامة صح وبعدها continue للخطوة اللي بعدها

بعدها تتأكد من عنوانك المسجل وتشوف السعر حق الشحن كم يطلع لك

وبعدها طريقة الدفع انا دائما وابدا افضل الدفع ب PayPal لاتنسى علامة الصح و continue للخطوة اللي بعدها لتأكيد الطلب والدفع بباي بال

وبعدها تتأكد من كل شئ صحيح وتضغط على Buy

وخلاص طلبت الان فيه زر جنب Continue فيه طباعة الفاتورة .. وطبعا بيجيك ايميل فيه الفاتورة وتفاصيل الطلب

وبالعافيه عليكم

_____________________