برنامج لمعرفه درجه حرارة المعالج بجهازك الكمبيوتر

سواليف تقنيّة

الحرارة من اكثر المشاكل اللي يعاني منها مستخدمين اللاب توب والكمبيوتر بشكل عام

هو عدو للكمبيوترات ومن اهم اسباب بطئ الاجهزة

طبعا فيه اسباب كثيرة ومعروفه للاغلبيه وغالبا ننظر للرامات اول شي ونوع الهارديسك بس برضو حرارة الجهاز مشكلة مفروض ماتغفل عنها

وكثير من اللاب توبات تسمع صوت المروحه كثير لان الحرارة مرتفعه لكن انت بنفسك ماتدري هل هي حرارة عاليه مرة او لا

احيانا بسبب انك مسك فتحات التهوية فيرفع درجه الحرارة

واحيانا بسبب الغبار ( سبق جاني صديق لي يشكي من صوت المروحه وفككت اللاب توب حصلت كسر صغير باللاب توب ودخل منه كمية غبار ووصخ اثر على اداء جهازه )

فلذلك لاتتهاون في بعض المسائل البسيطة هذي

واكيد استخدام موارد الجهاز وكثره البرامج اللي تشتغل بالخلفيه او حتى تشغيل البرامج بطاقتها القصوى مثلا تشغل المتصفح زي كروم وتفتح 20 نافذه

هذا البرنامج Core Temp برنامج مجاني تحمله من هنا : https://www.alcpu.com/CoreTemp/

اول ماتشغله يوريك كم نواة عندك بالكمبيوتر مثلا هنا 4 انوية

شف اللي بالمربع الاحمر core#0 الى core#3 درجة الحرارة فيها بين 37 الى 42

واذا صغرت البرنامج بتحصل الارقام موجودة تحت

احد الحلول البسيطة بالنسبة لي وكانت عملية اللي هي طاولة بمروحه واشتريت هذي القطعه 2×1 طاولة اعدل اللاب توب وبنفس الوقت بها 6 مراوح صغيره وتقدر تتحكم بسرعة المروحة

طبعا لما تكون على كمبيوتر يكون عندك خيارات اكثر لاصلاح مشكلة الحرارة واهمها تحط معجون تبريد .. مبرد .. او مراوح اكثر او اكبر بالكمبيوتر

_____________________