قطع غيار سيارات

شرح طلب قطع غيار سيارات من ارخص موقع RockAuto

سواليف عامة

السلام عليكم,

موقعنا اليوم بدأ في 1999 في مدينة ماديسون ولاية ويسكانسون rockauto الموقع يوفر قطع غيار وخيارات متنوعه وكثيرة. جربته والصراحة رهيب خلنا ناخذ مثلا قطعه فلتر السيارة لنفرض كلامنا عن اكورد موديل 2005 – 6سلندر تبدأ اسعارها (حسب الجودة طبعا ) من 2.8$ او مايعادل 10 ريال تقريبا الى 13$

عندك طريقتين للبحث عن القطع الاولى انك تبحث بنوع السيارة ( مثلا هنا واضح لنا الاسهم سيارات بي ام دبليو وسيارات اودي ) وبعدها الموديل وبعدها القسم للقطعه وتشوف المتوفر

والطريقة الثانية اذا تدور قطعه محدده من فوق تختار Part Number search

هنا مثلا انا كنت اتصفح فلتر المكيف الداخلي مهم جدا تنظفه وتغيره كل 12 ألف ميل (او اذا حسيت انه وصخ ويدف تراب وغبار داخل السيارة ومكانه عاده خلف درج السيارة )

بعد ماتختار الكمية العدد اللي تبيه وتحط add to cart وتخلص الاشياء اللي تبيها نشوف سلة الشراء عندنا قبل مانخلص

مهم جدا تنتبه لنوع السيارة والموديل + الكمية اللي طلبتها

وبعدها ننتقل للبيانات والشحن

ونكمل للباقي متى التوصيل والشحن وخياراته

هنا اخترت اقل خيار بالنسبة لي لاني مب مستعجل وكان عن طريق Fedex Ground ( انا شحنت على امريكا فالخيارات كانت اكثر سعر الشحن 18.8$ دولار ونشوف انه مب كل القطعه ترسل من جهة واحده .. ارسلت من مكانين مختلفين الاول سعر شحنه 8.89$ والثاني 9.99$ فلذلك احيانا تاخذ القطعه الرخيصة وتطلع عليك مع الشحن اغلى .. فانتبه لهذي النقطه ! )

وبعد مانختار الشحن نروح لخيارات الدفع وانا دائما افضل اختار خيار Paypal

لعدة اسباب اهمها لو الموقع اخترق او تسربت ارقام البطاقات الامان اكبر عند باي بال من المواقع .. ومنها انه مايقومون بعمليات شراء ماتدري عنها مستقبلا لو بالغلط حتى لو احد استخدم حسابك.

لاتنسى اخر نقطه تحط رابط موقعي لو سالك كيف عرفت الموقع 🙂

وبعدها اذا اخترت باي بال بيفتح لك صفحة تسجل دخولك لباي بال وتكمل شراء

الان تجيك الفاتورة وتأكد منها دائما حتى بعد الدفع لاحظت هنا اني طلبت قطعتين مختلفتين فلتر وانا مااحتاج الا قطعه واحده . طيب وش الحل ؟ شف الرابط اللي تحت تضغط عليه وتحط رقم الطلب وتضغط على cancel جنب القطعه اللي ماتبيها وخلاص يلغونها ويردون لك المبلغ الزايد



بالنسبة لي موقع مهم ولازم تحطه باعتبارك دائم وتقارن فيه القطع لو كنت مب مستعجل او انحديت على قطعه معينه وعندك رقم القطعه واتمنى انكم استفدتو من الشرح

_____________________