الاستفادة من نقاط واو ( كوبون من امازون مثلا وشرح اضافتها بحسابك )

سواليف التسوق من النت, سواليف المواقع

قبل كم سنة كتبت عن فائده وطريقة تحويل نقاط بطاقة بنك الراجحي ( بطاقة التسوق ) الى قسائم شرائية من مكتبة جرير

اليوم بتكلم عن تجربتي مع البنك السعودي للاستثمار وبطاقة السفر

  • طبعا مايحتاج يكون عندك بطاقة سفر، يكفي اي بطاقة للبنك السعودي للاستثمار وتدخل تفعل مكافآت واو من حسابك.
  • اي عملية تجريها على حسابك تحويل او استقبل او دفع او حتى راتب ينزل بحسابك تجيك نقاط لكن كيف تحسبها ؟ من هنا

طيب وش اقدر ابدل فيه لنفرض ان عندي لنقل 25 الف نقطه ( واللي تعتبر تقريبا 100 ريال )

فيه عندك عدد من الخيارات مثل :

  • قطاف من STC الاتصالات السعودية
  • تحويل للجمعيات الخيرية
  • تحويل النقاط الى أميال السفر مع الخطوط السعودية ( كل 32 الف نقطه ب ألفين ميل ) او ناس ( كل 8 الاف نقطه ب250 نقطه سمايلز ناس )
  • تحويل الى حساب سداد الالكتروني ( كل 5000 نقطه ب10 ريال أو 25 الف ب 50 ريال )
  • اذا عندك بطاقة التسوق من البنك السعودي للاستثمار تقدر تحط فيها رصيد ( كل 5 الاف نقطه ب 10ريال او 25الف نقطة ب50ريال )
  • هدايا واو من البنك ( مثل شنطة، سبحة ،قلم ، عطر ..الخ طبعا تبدا من 34 الف نقطه حسب الهدية اللي تطلبها )
  • قسائم شرائية ( تجيك قسيمة من محلات متنوعة مثل ساكو, ماكس, مكتبة جرير ..الخ )
  • قسائم شراء الكترونية يعني Gift Card الكترونية يرسلون لك كود تضيفه بحسابك ويجيك رصيد ( مثلا امازون ، نون ،مرسول ، موقع مكتبة جرير ..الخ ) لكن مشكلتها مب متوفرة دايم

هنا مثال على قسائم شراء الكترونية

لنفرض انك اخترت امازون ( كل 23 الف نقطه ب 25 دولار يعني 94 ريال تقريبا )

طبعا تضغط استبدال وبعدها كم عدد الكوبونات ( كل كوبون ب25 دولار هنا مثلا ) وبعدها تنتظر بتجيك رسالة بجوالك فيها كود تضيفه بحسابك بامازون

كيف تضيفها بحسابك بامازون ؟ ادخل على Your Account

وبعدها تدخل على Gift Cards

وبعدها تضغط على Redeem a gift card

وهنا تدخل الكود اللي جاك على جوالك وبيضيفه رصيد بحسابك.

_____________________