اول تدوينة لموضوع الرحلات والسفر بتكون عن موضوع اختيار طريقة السفر ( طيارة باص قطار سيارة ) وكيف تعرف وش الافضل او تشوف وش الخيارات المتاحة لك
عندنا موقع رائع جدا اسمه Rome2Rio.com
هذا لازم اول شئ تبدأ فيه اذا كنت مقرر وين تروح ادخل الموقع ذا واختر المدينة اللي بتروح لها .. خلنا نمشي سوا ونجرب
اخترنا مثلا مدينة ” جنك ” من بلجيكا
كتبنا رحلتنا بتكون من الرياض الى جنك ببلجيكا وش الخيارات اللي عندنا ؟
نشوف هنا الواجههة وابسطها لكم بعد شوي
* اضغط على الصورة عشان تشوفها بشكلها الطبيعي *
– عندنا اللي حطيت له اسهم يسار 6 خيارات للسفر ( الاسعار تقريبيه لاني ماحطيت تاريخ )
المفروض اول شئ تسويه تحدد التاريخ من فوق وبعدها بيطلع لك الاسعار الموجوده
خلونا نمسك الخيارات ونشوفها
شف اول خيار تاخذ طيارة من الرياض الى بروكسل وبعدها تاخذ قطار
ثاني خيار مثلا تسافر من الرياض الى لييق وبعدها تاخذ قطار
وهكذا باقي الخيارات
هنا مثال ثاني لمدينه ثانية مثلا اخترنا من الرياض الى جنوا في ايطاليا
شف الخيارات اللي اعطاك فيه شئ بالطيارة مباشرة وبعدها تاخذ قطار وبعدها باص
المميز ايضا انه يعطيك الاسعار بعضها تقريبي وبعضها يحدثه لك اذا اخترت التاريخ .. يعني اضغط على القطار يوريك كم وموقعهم اذا فيه حجز عن طريقهم بالموقع وهكذا
ايضا فيه ميزه حلوة لو انت بتروح لاكثر من مدينة تقدر تحط خط رحلتك
اضغط على علامة +
وبعدها اكتب اسم المدينة
انا مثلا كتبت الرحلة بتكون الى جنوا في ايطاليا وبعدها الى فيينا في النمسا
اضغط على الرحلة الاولى بيفتح لك الخيارات لها
وبعدها اضغط على الرحلة الثانية ويطلع لك الخيارات
مثلا رحلة من جينوا ايطاليا الى فيينا بالنمسا شف الخيارات المتاحة لك والاسعار التقريبيه
شف هنا الخيارات تقريبا كل شي ممكن
تبي بالسيارة فقط .. بتاخذ معك 10 ساعات
تبي بالباص وهو الارخص بيكلف حدود 95 دولار لكن ياخذ 15 ساعه
القطار او حتى الطيران
هنا مثلا لو تبغى تعرف اكثر عن رحلة قطار اضغط عليها ويفتح لك بعض التفاصيل مثل هذي
باختصار مثل هالموقع ممكن يعطيك افكار وخيارات اكثر واكيد بتكون اقل من انك تختار بشكل مباشر