البرنامج مميز لتويتر لكن ماجربت حسابي الفيس بوك فيه صراحه
اول شئ التحميل من هنا
طبعا لازم يكون لك يوزر بالموقع يعني تسجل فيه .. ليش ؟
عشان لو ركبت البرنامج باكثر من جهاز نفس الاعدادات والtabs او الاعمده اللي فاتحها تصير موجوده باي مكان تسجل دخول فيه
بالنسبه لي مثلا .. انا حاطه على الكمبيوتر المكتبي واللاب توب .. وكلهم افتحهم زي بعض الاعمده الموجود هنا هو هناك
طبعا فيه اضافه للكروم وتقدر تتصفح من الموقع
بس اانا افضله كبرنامج لحاله
هذا نظرة عامه له
تقدر تحط بعض التاب تنبيه سواء بالصوت او بالنافذ اللي تطلع لك او تحطهم سوا
انا حاطها للمنشن .. المنشن يبين لك اللي سوا لك فولو .. ريتويت . او فيفورت
تقدر تختار الثيم لك لونين ابيض او اسود من فوق
رقم 1 اللون ( Light او Dark )
رقم 2 الليست (القوائم )
رقم 3 اضافه عمود
وش نوع اللي تقدر تضيفه ؟
كلش تقريبا .. سواء بحث .. تتابع هاشتاق .. مفضلتك او مفضله غيرك .. منشن حقك او حق غيرك .. او تغريدات اي شخص .. زيي مثلا هنا حاط فيصل اتابع تويتاته دائما
فيه ناس مميزين ودك تتابع كل اللي يكتبونه وتخاف تضيعه بالتايم لاين .. احطه عمود لحال واتابعه .
وبالمناسبه اللي ماتابع فيصل فهو مضيع شئ كثير على نفسه
شئ جميل ثاني انه يفتح لي الصور واليوتيوب بنفس البرنامج بدون مايفتحه بالموقع
زي هالمثالين :
هذا لليوتيوب
هنا للصور
شئ جميل اخر بالبرنامج :
مثلا شفت تغريده وتبي تشوف الردود عليها وبعض المعلومات .. تحت كل تغريده حط بالماوس عليها بيطلع كلمه Details اضغط عليها وبيفتح لك مثلا هنا ضغطت على تغريده حامد الحارثي مذيع ابوظبي الرياضيه المتألق
لاحظ اول مستطيل حددته بالاحمر يعلمك وش البرنامج اللي استعمله لكتابه هالتغريده والتاريخ والوقت
وتحته معلومة كم عدد الريتويت والفيفورت للتغريده .
وتحته تلاحظ الردود على التغريده
* تقدر تضيف اكثر من حساب تويتر من setting
وزي ماقلت احسن ميزه انك ترتب متابعتك لتويتر بجهازك وتقدر تشوفها بجهاز ثاني او حتى تشوفها من موقعهم نفسه .
